Paxina

20151231

Feliz 2016

Co desexo dun feliz 2016 recuperamos do noso arquivo a imaxe mais antigua que se coñece de Riveira.

Trátase dunha pequena fotografía de apenas 13 centímetros do ano 1890-95.  O aninovo traeremos mais imaxes, e atención o sábado día 2  de xaneiro aniversario do afundimento do Santa Isabel, estrenaremos un documental sobre o naufraxio do vapor-correo e as leendas de Sálvora feito por alumnos de xornalismo.

FELIZ ANINOVO

2016 foto 1895

 

20151214

1960 Palmeira

Postal de Palmeira a mediados ou principios dos sesenta. A parroquial de San Pedro preside esta vila que é das máis vellas do concello. Chegou incluso a ser concello nos anos vinte e trinta do século dezanove xunto a Santa Uxía, Olveira e Carreira. Alguén aporta algún dato novo. Grazas

Palmeira (Riveira)

20151130

1914 Santa Uxía de Riveira Dique

Tres son os puntos de referencia habitual das fotografías e postais da primeira metade do século XX sobre Santa Uxía. O concello, a igrexa e o dique. Esta espectacular fotografía ofrece unha imaxe de toda a fachada do dique ou malecón do porto de Santa Uxía. Publicada nun álbum de 1914 dos que facia “O barato de Ribeira” (actualmente a Joyeria Montero) permítenos apreciar como era a recen nomeada cidade, destacando as salgadeiras e conserveiras.


1914 Riveira dique

20151125

1970 Riveira Praza da Igrexa

Estamos ante unha postal de finais dos 60 xa preto dos 70. A foto amosa a Praza de Otero Goyanes. Na imaxe pódese ver a sede daquela do "Banco de La Coruña", e enriba do cal estaba a sede do Círculo Mercantil e Industrial e tamén coma non as rúas Ramón y Cajal, coa "Panadería de Sinda", casa por certo construída o mesmo ano que a Igrexa Parroquial en1864.


Xa á dereita do banco na Rúa General Franco vese a Casa Solariega dos Otero. Un dos seus descendentes, José María Otero Goyanes da nome á praza que antigamente se chamaba "Porta do Sol" e ata finais do século XIX, "Praza do Carme". Tralo pazo estaba antigamente o “Barato de Riveira- Casa Baltar” a principios do século pasado e hoxe ocupada pola "Reloxería Montero".
Por certo, como vedes a foto fíxose en plenas festas de verán como amosa o alumeado.


1970 Praza Otero Goyanes WM

20151118

1925 Riveira Rúa Venecia

A actual Rúa Galicia de Santa Uxía denominábase nos anos 30 do século pasado Rúa Venecia. Cubría desde Padín ata a actual Praza da Porta do Sol que antes se chamaba Praza do Carme e posteriormente Praza de José María Otero Goyanes, nome que se lle puxo trala guerra civil.  Como se pode apreciar na postal a rúa era unha das de mais actividade da cidade. O final da fotografía estaba o Castelo e o principio da imaxe vese unha xastrería á esquerda, sabedes cal é?, e a dereita a casa onde tería lugar anos despois un dos sucesos mais lutuosos da localidade coa morte de varias persoas. A postal pertence a un álbum dos anos 20-30 do século pasado.


1925 Riveira Rúa Venecia


20151117

1980 Riveira dique

Esta fotografía corresponde a unha vista do malecón a zona máis emblemática de Riveira. Foi realizada a finais da década dos 70.  Dos vellos edificios apenas quedan restos. O edificio da Caixa ocupara xa o Abadiño e o Mercantil a Fábrica de Cardona. e loxicamente o fondo Coroso.

Fixarvos no Monte de San Alberto, lucia aínda un frondoso verde unicamente alterado polo depósito do lixo.

1980 Riveira Dique

 

20151023

1939 Heroína riveirense

 Na década dos anos noventa recuperei para a historia local de Riveira a historia do naufraxio do "Vapor-correo Santa Isabel". Un transporte marítimo non que faleceran 221 persoas o 2 de xaneiro de 1921.


Sería cunha serie de artigos publicados en varios xornais galegos nos que aparecerían amais por primeira vez, fotografías de como era o buque. De aí nacería o libro "Sálvora, memoria dun naufraxio. A traxedia do Santa Isabel", e con recuperaríase o papel dás heroínas de Sálvora, que por certo foran CATRO e non tres como algúns se empeñan en poñer. Unha delas interviría decididamente desde outra dorna. E iso sen esquecer tampouco ós homes que tamén intervirán no salvamento e que recibirían recoñecemento oficial.


Pero hoxe traio a esta páxina a outra heroína de 17 anos tamén de Riveira. Corría o ano 1930 e a Sociedade Española de Salvamento de Naufragos concedía unha medalla e un premio en metálico á moza Dolores Fernández Sarasqueta, quen como recollía a prensa da época era homenaxeada en Vigo a principios de novembro dese mesmo ano. A moza salvou a unha meniña de dez anos de morrer afogada o 3 de setembro.


Hoxe reproduzo parte da páxina da publicación "Mujeres españolas" nas que se recollía o acto da homenaxe feita na cidade olívica a esta riveirense, da que por certo fai pouco se cumpliron 85 anos.


1930 heroismo riveirensew


 

 

20151022

1974 Derrube Casa Consistorial de Riveira

Nos anos setenta do se´culo pasado a corporación municipal  solicitou unha axuda de Deputación provincial para arranxala Casa Consistorial construída a principios do século XX e cun engadido nos anos corenta.
A cantidade dada pola deputación desbordaba con moito as necesidades de arranxo, polo que se decidiu construír un novo pazo consistorial que daría paso o espantallo coñecido durante moitos anos como o polideportivo ou o cárcere. Os arranxos posteriores arrombaron  algo a imaxe do edificio. Na memoria colectiva  quedou gravada a desfeita do vello consistorio de estilo colonial portugués que ainda que carente de valor histórico davalle un aire de solemnidade á casa do concello. Pero era o boom dos setenta e o crecemento desmesurado e sen control adueñouse de toda a cidade. A fotografía de "González" amosa o derrube dás fachadas. Teño dúbido se era o ano 1974 ou 1972 e polo tanto si o alcalde era Felix García Arriaga (1963-1973) ou Ángel Abalo de la Torre (1973-1975) . O fondo o almacén dás populares "Bodegas La Parra".

1974 edificio Consistorial de Riveira

20151014

1960 Dique(malecón) Riveira

Tralo tempo estival retomamos a suba de imaxes e documentos sobre os nosos pobos. Hoxe facemolo con esta imaxe do dique- malecón- nos anos sesenta, tal vez finais dos cincuenta. Como non en primeiro plano o secadero de bacallau de Colomer. Algunha aportación?

1960 Dique Riveira

20150918

1960 Coroso

Despois duns dias de lecer regresamos  e facemolo cunha foto que apunta a que é Coroso. Teño dúbidos o respecto a ver si alguén se anima a facer comentario sobre ela.


IMPRENTA MENDEZ. FOTO CONZALEZ. RIVEIRA

20150826

1975 Sala de Fiestas Cambeiro. Riveira

Hoxe traemos unha foto da "Sala de Fiestas Cambeiro" na década dos setenta. Esta lembrada sala foi fundada nos anos corenta por José Fernández Cambeiro, e para os mais mozos estaba na Praza do Concello o lado da parada de taxis. Contaba con dúas pistas,  a de inverno cuberta que ocupaba o primeiro andar do edificio e a pista de verán o aire libre, que habitualmente se abría a semana de San Alberto. A "Sala Cambeiro" como era popularmente coñecida, foi o eixe de numerosos actos e festivaislocalidade. Era a pista máis grande do concello e da comarca o que permitía acoller a mais de 2.000 persoas e nela celebraronse durante décadas os actos e os bailes de Gala da Festa da Dorna o 24 de xullo.

A fotografía de hoxe ofrecenos a imaxe dun festival, que desgraciadamente non poiden datar, na reformada sala nos seus últimos anos. Era a pista de verán xa cuberta. En plan popular deciase que a maioria das parellas de Riveira e a sua bisbarra naceran neste baile. Por certo baixo a sua pista de inverno estivo o "Colexio Galaxia" nos seus primeiros tempos cos profesores don Luís e Chita. Nos seus últimos anos estaría ocupada pola discoteca "Samanthas".

Alguén pode achegar algún outro dato?. Grazas

1970 Cambeiro WM

 

20150824

20150822 Reportaxe La Voz de Galicia sobre riveira.eu

La Voz de Galicia dedicounos o sábado unha pequena reportaxe o noso portal www.riveira.eu, como consecuencia tivemos mais de 1.270 visitas nun día o que anima a seguir adiante con este pequeno proxecto. No que vai de verán superamos xa as 17.000 visitas e mais de 600 siareiros no facebook. Grazas a todos polo apoio e seguiremos subnido 2 ou 3 imaxes por semana.
Por certo animaros a participar e facer comentarios ou mandar fotos.

[caption id="attachment_1272" align="alignright" width="300"]La Voz de Galicia, 20150822 La Voz de Galicia, 20150822[/caption]

20150821

1965 Corrubedo

Esta fotografía ofrecenos unha perspectiva de Corrubedo no ano 1965, en concreto a  finais do mes de xullo.Trátase dunha imaxe  de pequeno tamaño que forma parte da miña colección particular. Corrubedo é un dos pobos mais emblemáticos da nosa costa,  aparece xa citado nos mapas da baixa idade media pola sua costa considerada o inicio da Costa da Morte. A principios do século XIX formou parte do incipiente e breve Concello de Olveira, que xunto os de Carreira, Palmeira e Santa Uxía  integran o actual de Riveira.

[caption id="attachment_1266" align="alignright" width="355"]1965 Corrubedo                                      1965 Corrubedo[/caption]

20150819

1950aprx. Visita Cardeal Quiroga Palacios a Riveira

Propoñemovos hoxe que nos axudedes. Esta fotografía que datamos na década dos anos cincuenta, reune a membros da Acción Católica co que fora Cardeal Quiroga Palacios.  Querriamos saber quenes eran os que aparecen na foto, algúns deles claramente identificados pero outros con dúbida. Sabedes quenes son?. Grazas

1950 Aprx. Visita Cardeal Quiroga a Riveira

©riveira.eu . Si coñece algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.eu. Grazas

20150818

1965 Riveira Rosalia Castro

Seguimos polos camiños da historia e hoxe traemos unha fotografía da Rúa Rosalia de Castro. Realizada a finais de xullo de 1965 nela aparece o Bar Paquito á esquerda, o Rotterdam á dereita, e vese tamén á esquerda a "viseira" do Cine Rosalia de  Castro da "Empresa Moraña", construido en 1954 e o fondo nese mesmo lado, o quiosco e claro a Casa Consistorial. Tempos.

 

[caption id="attachment_1215" align="alignright" width="300"]1965 Santa Uxía de Riveira Rosalia Castro 1965 Santa Uxía de Riveira Rosalia Castro[/caption]

 

20150817

1965 Santa Uxía de Riveira. Avenida do Malecón

A fotografía que traemos hoxe remóntae a finais de xullo de 1965. Enmarcase nunha colección na que amais aparecen imaxes de Aguiño e Corrubedo.

Pouco que decir sobre a desfeita da fachada do dique (hoxe Malecón) daquela avenida José Antonio, Na fotografía vense o secadeiro de Colomer, e as conserveiras de Cardona e Abadiño.

[caption id="attachment_1199" align="alignnone" width="300"]1965 Santa Uxía Malecón 1965 Santa Uxía Malecón[/caption]

20150814

1925 Corrubedo O Faro

Este 15 de agosto un dos nosos máis emblemáticos e históricos pobos Corrubedo, celebra a festa da súa Patroa Santa María.

Como homenaxe traemos hoxe unha postal de principios dos anos vinte do século pasado no que se amosa o famoso Faro. Inaugurado en 1854 a linterna está situada a  mais de 30 metros do chan. Como curiosidade dada a sua semellanza co faro de Salvora, co luz do cal se confundía, durante unha etapa emitiu a súa de coor vermello, polo que popularmente se lle coñecía como " faro comunista"

1925 Corrubedo m

20150810

1960 aprx Corrubedo

Esta fin de semana e coincidindo coas suas festas de verán traemos unha fotografía de Corrubedo que debe ser de finais dos 50 ou principio  dos sesenta. Alguén pode concretar mais?.

Corrubedo é con Santa Uxía a parroquia da que mais fotografías vellas existen.  As súas características de típica vila galega namoraron desde sempre ós fotógrafos que fixeron da pequena parroquia moitas imaxes.

1960 Corrubedo

20150806

2015 Entrevista a Cesáreo Canabal sobre o libro da parroquia

O sábado 11 de xullo o programa "A Revista de fin de semana" da TVG emitiu unha reportaxe sobre o libro "Santa Uxía, Ocho siglos de Comunidad" no que se recolle unha entrevista a Cesáreo Canabal Castro, párroco de Santa Uxía. Recuperamos esa peza de pouco mais de tres minutos.

[embed]http://youtu.be/cuGE0UXm6fQ[/embed]

 

 

20150731

1955- Programa das Festas tradicionais de Santa Uxía de Riveira

Seguimos en Festas e que mellor que lembrar como eran hai 60 anos. Traemos hoxe  o programa completo do programa de aquelas festas que tiñan lugar entre o 6 e o 9 de agosto dedicadas a San Antonio, Santísimo Sacramento, Virxen do Rosario e Virxen do Carmen. Lembraredes os nomes de comercios e rúas da nosa cidade. Espero o disfrutedes.

E grazas polo apoio amosado no facebook estamos a punto de chegar ós 500 siareiros: https://www.facebook.com/Riveiranahistoria

 

[embed]http://issuu.com/xfpazos/docs/sdri09715073109470[/embed]

 

20150729

1959- Festas de verán Santa Uxía

Empezan as "Festas de verán 2015"  e lembramos como nos anos sesenta cando Riveira era coñecida como a cidade branca da ría de Arousa, as festas tiñan entre os seus actos mais soados a tradicional procesión do Carme, o combate naval que se desenvolvía no porto, e o globo de papel, que a semellanza do de Betanzos soltábase na praza da Igrexa contendo comentarios e críticas da vida municipal e local. Aquel globo realizábao a familia Pita que o sigue facendo na capital da Mariña desde hai 137 anos. Levaba colgado un barquillo que soltaba fogos de artificio.

Traemos hoxe a esta páxina da nosa historia a fotografía remitida por un seguidor do palco da música na praza Igrexa ó serán cando o aluemado empezaba a gañar  o día. Por certo alguén conservara algunha foto do globo de papel?.

Felices festas 2015.

1959 Santa Uxía de Riveira palco da musica nas festas de verán.

PD A ver si vos animades a dar difusión entre amigos e coñecidos á páxina  que somentes somos 400. Animo e grazas. Lembrade  www.riveira.eu

 

20150720

1925 apr. San Martiño de Oleiros

A parroquia riveirense/ribeirense de San Martiño de Oleiros é unha das primeiras en aparecer na documentación nas terras de postmarcos. Existen referencias a ela xa no 1200. Tratábase dunha feligresia eminentemente agraria alonxada da costa, o que permitiu ós seus habitantes ter  "certa " tranquilidade á hora de vivir e quedar á marxe de ataques costeiros. Esta imaxe corresponde a unha vista do ano 1925 aproximadamente, e forma parte dunha colección de postais editadas polo "barato de Ribeira".

[caption id="attachment_1163" align="alignnone" width="300"]San Mariño de Oleiros 1925 San Martiño de Oleiros[/caption]

20150709

1960 apr. Praza do peixe e lonxa de Santa Uxía

Podíamos empezar decindo quen che ve e quen che veu. Esta foto de finais dos 50 e principios dos sesenta recolle a  vella "praza do peixe" e a "lonxa do peixe". Hoxe unha nova instalación modernista que acollerá a Praza de Abastos está a punto de inaugurarse o que permitirá ver polo menos, parte da dársena tapada polas sucesivas construccións portuarias. Que tal si vos animades e nos escribides algún comentario?. "redaccion@riveira.eu"

[caption id="attachment_1156" align="aligncenter" width="300"]1960 aprx. Riveira Praza de abastos e lonxa 1960 aprx. Riveira Praza de abastos e lonxa[/caption]

20150619

1950 Peirao Riveira

Traemos hoxe unha fotografía dos anos cincuenta do século pasado. Como se ve aínda nin siquera se iniciara a construcción da outra parte do dique e tampouco se ampliara o lado dereito ata o faro da punta. Preciosa imaxe na que se ve a frota artesán e en primeiro plano a esplanada do dique.

[caption id="attachment_1151" align="alignnone" width="300"]1955 Porto Riveira 1950 peirao de Santa Uxía de Riveira[/caption]

 

20150610

1970 aprx. Riveira-Praia de Colomer

Estes días de calor seguro que moitos añorades a vella praia da cidade que permitía facer unha escapada o mediodía.  A fotografía, da que puxemos unha data aproximada, amosa a praia de Colomer.  Na marxe central superior apreciase o mercado de abastos actualmente o Auditorio e á esquerda a chimenea da fábrica da actual Cerqueiras, antiguamente Pereira. O fondo o barrio da Bandourrío que xunto a Deán é o núcleo orixinario da cidade. Nos anos 80 o recheo no que se fixo a parada dos autobuses, a clínica e as delegacións de pesca e facenda acabaron co encanto da zona.

colomer

20150519

Helicoptero en Santa Uxía

Hoxe subimos dúas fotos curiosas que nos chegan por un lector da aterraxe dun helicóptero na explanada do porto e a expectación que levantou entre os veciños. Non temos datadas as fotografías polo que si alguén sabe algún dato agradeceríase o comentásedes. Deben ser de principio dos sesenta.


Helicóptero  en Santa Uxía helicoptero 2

20150428

2015 "Santa Uxía de Ribeira, ocho siglos de comunidad"

 O venres día 24 de abril mais de 120 persoas  participaron na presentación da obra “Santa Uxía de Ribeira, ocho siglos de Comunidad” que tivo lugar na Aula de Teoloxía Manuel Guerra Campos da parroquia de Santa Uxía de Ribeira. Tratase dun libro conmemorativo dos 150 anos da consagración do templo parroquial no que se recolle amais a historia documental da parroquia desde a súa primeira aparición no ano 1200 ata o século XX. O longo das súas 240 páxinas analízanse os documentos, a ourivería, a imaxinería, os edificios, as tradicións, os persoeiros da igrexa local, as relacións da parroquia con outros colectivos e as actividades desenvolvidas nos seus aspectos sociais, caritativos, formativos e teolóxico.

OS BENEFICIOS INTEGROS DO LIBRO IRAN DESTINADOS A OBRAS SOCIAIS DA PARROQUIA. PARA CONSEGUIR UN EXEMPLAR ESCRIBIR A:  parroquiadesantauxiaderibeira@gmail.com    ou ben nas librarias de Ribeira.



[caption id="attachment_1127" align="aligncenter" width="600"]De esquerda  a dereita:  Cesáreo Canabal (Párroco) acompañado de parte dos autores Esther Del Castillo, Antón Luaces, Xosé María Fdez.Pazos (Coordinador da obra) e Manuel Mirás secretario de Cáritas Ribeira. De esquerda a dereita: Cesáreo Canabal (Párroco) acompañado de parte dos autores Esther Del Castillo, Antón Luaces, Xosé María Fdez.Pazos (Coordinador da obra) e Manuel Mirás secretario de Cáritas Ribeira.[/caption]

Dez autores desde profesores da universidade, institutos, historiadores, xornalistas, teólogos e fregueses, traballaron de maneira altruísta e nesta obra durante mais de dous anos coordinados polo historiador e xornalista, Xosé María Fernández Pazos. “Santa Uxía de Ribeira, ocho siglos de comunidad” leva una introdución do Arcebispo de Santiago, Monseñor Julián Barrio Barrio e un saúdo do párroco, Cesáreo Canabal Castro.


O longo do texto o lector descubrirá os documentos máis vellos no que aparece a orixe do primeiro topónimo da parroquia no século XIII. A obra está impresa a todo cor en tapa dura e profusamente ilustrado con preto de 300 fotografías e reproducións de documentos, moitos deles cedidas polos fregueses. Os beneficios do libro serán destinados integramente a obras sociais da parroquia de Santa Uxía e pódese conseguir nas librarias da localidade que colaboran xenerosamente na súa venda.


Coa edición deste libro completanse os actos conmemorativos do aniversario do templo que tivo o pasado 23 de novembro a inauguración do museo parroquial.




20150423

Presentación do libro: Santa Uxía de Ribeira, ocho siglos de Comunidad

Anunciarvos a saida da obra "Santa Uxía de Ribeira, ocho siglos de comunidad" que será presentada este venres 24 de abril nos salóns parroquias ás 21 horas.

Trátase dunha obra na que colaboramos unhas dez persoas relacionadas co mundo da historia, o xornalismo, a teoloxía e a actividade cristián da parroquia de Santa Uxía.
Estructurado en duas partes a histórico-cronolóxica e a catequética, esta obra con amplo despliegue fotográfico e documental, recolle en 240 páxinas aspectos sobre os documentos máis antiguos no que aparece Ribeira, por certo con B, a historia dos seus templos, cruceiros, orfebrería, imaxinería, persoeiros relacionados coa comunidade e as relacións entre o concello e a igrexia.

Presentamos en exclusiva a cuberta do libro e varias páxinas da obra que sairá á venda a un prezo casi simbólico e os beneficios da cal serán destinados integramente a obras sociais da igrexa ribeirense. Ningún dos autores cobrou pola colaboración dun proxecto no que se investiron caseque dous anos e que conmemora os 150 anos da consagración do Templo parroquial. Esperamos que teña boa acollida.

portada libroCuberta do libro

paxina libro 1Reproducción do documento máis antiguo coñecido no que aparece Santa Ougea Ribeira, ano 1385 da era actual.

paxina libro 6As relacións do concello coa Igrexapaxina libro 2 A historia dos cruceiros paxina libro 3Radio Riveira emisora Parroquial a primeira de Galicia paxina libro 4Mais sobre a historia parroquial paxina libro 7A comunidade cristiá  paxina libro 8Reportaxe gráfica coas aportacións dos feligreses paxina libro 9 Traballo sobre a imaxinería da parroquia

 

20150401

1958 Paso de Xesús no horto dos Olivos

Hoxe Mércores Santo sairá o paso de Noso Señor Xesús no Horto dos Olivos. Esta emblemática procesión ten a súa orixe no ano 1956, cando se creou a confradía do seu nome. Feito en Santiago por J.Aldrey tivo un coste de cen mil pesetas da época e antes de vir a Santa Uxía quedou instalado na entrada da alameda de Santiago ante a expectación dos veciños. A obra estivo no interior do templo parroquial na nave esquerda enfronte á pila bautismal. Sen embargo o feito de ter que desmontalo paso cada semana santa e montalo fora xa que non cabia pola porta principal, fixo que se lle construira unha capela nos terreos do vello camposanto. Ali estivo ata finais dos oitenta en que se lle fixo un apaño no novo edificio.

O conxunto procesionaba inicialmente  o Xoves Santo, si ben caseque de seguido o feito de que participaran na mesma o Cardeal Quiroga Palacios, o gobernador civil e  o marqués que presidía a confradía, fixo que se trasladara o mércores.  Do tamaño da procesión pode dar idea de que levaba duas bandas de música e non se escoitaban entre elas. Nos anos oitenta a procesión volveu sair o xoves santo. Durante dous lustros a imaxe deixou de sair unha vez que Xosé Fernández Cambeiro, que era quen substentaba os custes da procesión deixou de facelo pola idade.

Hai uns anos o concello decidiu recuperala procesión creando nova vestimenta e facendo que saia novamente o mércores pola noite.

o pasoImaxe do Paso no ano 1960

20150331

1950 aprox. Santo Enterro

E coincidindo con estas datas recuperamos hoxe unha imaxe do Santo Enterro que se celebraba na praza da igrexa cada venres santo. A imaxe recolle o momento en que a imaxe de Cristo é introducida no sepulcro. O fondo o sacerdote encargado de facer o pregón do desenclavo.

A foto datámola nos anos cincuenta do século XX dado que o edificio que se ve o fondo á dereita é o do antiguo Banco da Coruña actual BBVA construido a principios dos anos cincuenta. Seguro que algún leitor pode concretar algo mais.

Santa Uxía de Ribeira Santo Enterro

1984 O encontro

Na época en que andamos estamos a celebrar  a Semana Santa e non me resisto a subir algunha foto das celebracións que tiñan lugar hai xa mais de 30 anos. Esta que vedes é   o encontro que ten lugar na mañá do venres santo. Diapositiva feita desde o vello edificio da Acción Católica en 1984. Lembrar aqui o sacerdote que aparece na fotografía José Rodriguez Manteiga, xa finado.

índice

 

 

20150224

1955 Aprx. Vista de Santa Uxía

Pois hoxe traemos unha vista aérea de Santa Uxía a finais da década dos anos cincuenta do século pasado. En primeiro termo aparece a Praza de Compostela e a barriada do Pombal e vemos tamén o edificio do Nervión no porto o lado das fábricas do Abadiño e Cardona,amais doutros emblemáticos edificios que xa son historia. Algun comentario que complete o noso percorrido?.

[caption id="attachment_1082" align="aligncenter" width="550"]1955 aprox. Vista Santa Uxía de Riveira 1955 aprox. Vista Santa Uxía de Riveira[/caption]

20150119

1920 Castiñeiras (Riveira)

No noso percorrido pola historia do noso concello traemos hoxe esta postal dos anos 20 na que aparece a actual parroquia de Castiñeiras. Por aquel entón a maioría dá mesma pertencía a Santa Uxía e outra parte a Carreira.


A fotografía amosa a primixenia vella fábrica situada ou lado do castro que sería esnaquizado na década dous 70 para facer a fábrica, actualmente en fase de demolición. Vense tamén os secadoiros e ás dornas varadas na praia.

1920 Castiñeiras (Riveira)

 

 

 

20150113

1958 apr. Riveira volta ciclista

Recuperamos hoxe esta imaxe dunha carreira ciclista no dique ( Actual Avda. do Malecon)  por aquel entón Avda. José Antonio. Era a finais dos cincuenta, si ben non podo datar con exactitude a data da fotografiía nin o acontecemento a existencia dos edificios como Colomer, Cardona, Abadiño, Nervión, etc., situa a imaxe nesas datas. Alguén pode aportar algún dato?. Grazas

[caption id="attachment_1069" align="aligncenter" width="500"]1958 Riveira Carreira ciclista w 1958 Riveira Carreira ciclista[/caption]

 

20150112

1968 Santa Uxía vista nocturna

 

Espectacular imaxe do casco urbano de Santa Uxía a finais da década dos 60. A fotografía tomada no serán, amosa a cidade conservando aínda todo o seu encanto si ben empezan a construírse xa os "mamotretos" que marcaron e marcan o feísmo local das décadas posteriores. Santa Uxía empezaba a perder o encanto da "Cidade Branca da Ría de Arousa" que lle dera o premio nacional de embelecemento de pobos en 1959. Vese aínda a lonxa vella, o peirao e destaca a iluminación do recen estreado Monumento o Sagrado Corazón de Xesús, inaugurado apenas catro anos antes, que  podía divisarse  desde toda a ría.Vista nocturna de Santa Uxía


Vista nocturna de Santa Uxía