20141221 Museo Parroquial de Riveira

Reportaxe emitido pola TVG o 21 de decembro sobre o novo museo parroquial de Riveira inaugurado o domingo 23 de novembro co gallo dos 150 anos da consagración do templo parroquial.


Museo Parroquial de Santa Uxía de Riveira

1984 "O Imo" revista Cultural da Barbanza

Hai xusto 30 anos saia do prelo do obradoiro do xornal El Idal Gallego  a revista da Asociación Cultural Vionta "O IMo". Aquela publicación fixeramola unha serie de "tolos" que creaiamos que podiamos aportar e promocionalo mundo da cultura local riveirense.  "O Imo", para o que no no sepa  son os paus que sosteñen unha embarcación que está en seco, tiraría 5.000 exemplares e contaría coa colaboración de xente vinculada o mundo da cultura local, desde catedráticos, a pintores, historiadores etc. 

Vionta estaba presidida por Santiago Páramo e era unha asociación Cultural. O Imo estaba dirixida por Xosé María Fernández Pazos.

Hoxe traemos un par de imaxes históricas do día da presentación da revista no Círculo Mercantil e Industrial, fora en setembro de 1984. Da revista "O Imo" sairía unha segunda edición anos despois, pero aquel proxecto morreu o tentar extendelo a outras asociacións da comarca, cada unha delas supeditadas a intereses concretos. Coma sempre os galegos facendo un reino de Taifas. Podesde completar os nomes dos das fotos...?.

[caption id="attachment_1038" align="aligncenter" width="550"] Equipo da revista "O Imo" o día de presentación da publicación no Mercantil de Riveira en 1984[/caption]

[caption id="attachment_1039" align="aligncenter" width="550"] De esquerda a dereita Quico, o maquetista da revista, Xosé María Fernández Pazos, director e Santiago Páramo, redactor-xefe e presidente de Vionta[/caption]

 

9 de Agosto unha data para a historia riveirense

Fai 275 anos que Riveira rexeitou o ataque de buques corsarios ingleses.

Pedro Arias Mariño de Sotomayor, á fronte dos veciños da comarca, logrou botar os atacantes. (Por : Xosé María Fernández Pazos)

--------

Corrían as primeiras horas da tarde do domingo, 9 de agosto do ano 1739, cando os apenas mil veciños da localidade de Riveira se viron sorprendidos polo ataque de corsarios ingleses, tan habituais na época. Contaba a tradición oral, sobre todo dos vellos do Pombal, que tan intenso era o combate e o canoneo entre os buques británicos e o pazo do señor da zona que corrían ríos de bronce desde a “fortaleza” ata o mar. O certo da historia é menos fantasioso: hai hoxe 275 anos, o 9 de agosto, Pedro Arias Mariño de Sotomayor, á fronte dos veciños, vencía, “tras duro combate”, ás tripulacións que arribaran en tres buques. Os invasores atacaron por sorpresa a localidade da que, ante o estupor inicial e o desconcerto dos seus habitantes, se fixeron os donos.

[caption id="attachment_1023" align="alignleft" width="350"] Pazo de San Lourenzo O Pombal[/caption]

A residencia oficial do alcabaleiro, o funcionario da Coroa ó que se lle aboaban daquela os impostos, que estaba situada no barrio de Banda o Río, era o obxectivo inicial dos saqueadores, que buscaban loxicamente o lugar onde atopar mais botín. No ataque inicial os corsarios fixeron cativos ós veciños e apoderáronse de todo o que tiña valor. O pazo foi destruído e a poboación fuxiu ás parroquias veciñas para protexerse.

Trala sorpresa e conscientes da situación, os que lograron salvarse do ataque inicial uníronse cos veciños das parroquias veciñas de Artes, Olveira, Carreira, Oleiros e Corrubedo, e capitaneados por Pedro Arias Mariño, formaron un pequeno exército de voluntarios que aínda que inferior en número, descendeu desde A Garita e conseguiu expulsar ós invasores. Tralo contraataque, liberáronse os prisioneiros retidos polos corsarios e recuperouse o botín.

Aquela “batalla” sin dúbida unha das habituais das que se producían naqueles anos nas augas das rias galegas, quedou gravada na memoria popular como un dos feitos de armas mais sobranceiros das xentes das comarcas.

A casa de Pedro Arias de Sotomayor, representante do Tesouro e da Santa Inquisición en Riveira, sería reconstruída anos máis tarde polos seus descendentes, que residían no lugar de Figueirido, na parroquia de Palmeira.

[caption id="attachment_1010" align="alignright" width="405"] Casa dos Mariño en Figueirido[/caption]

Por esta e outras fazañas, don Pedro conseguiu que se lle outorgase escudo heráldico de armas, distinción que conserva aínda hoxe o pazo de San Lourenzo, que se alza no actual barrio do Pombal e que é coñecida como a casa dos Cadenas.

O escudo ostenta os cuarteis das casas de Soutomaior, Salgado e Noguerol; as ondas dos Goiáns, Caamaño e Benavides e o busto da serea dos Mariño de Lobeira.

[caption id="attachment_1022" align="alignleft" width="322"] Escudo dos Mariño Pombal[/caption]

Outro escudo similar a este, que presidía a casa de Figueirido, atópase na actualidade na fachada do pazo dos Otero fronte á Igrexa parroquial.

As dúas casas, Pombal e Figueirido, conforman o núcleo matriz dos Mariño, antigo e ilustre apelido galego, arredor do cal existen diversas e fantasiosas lendas. Tiñan os Mariño o privilexio de usar o tratamento de Don e descendían de Diego Arias Mariño de Lobeira que, durante o reinado de Carlos II o Enfeitizado, foi capitán de mar e terra, soldado en Flandres e gobernador da cidade de Lima (O Perú).

Aquel 9 de agosto de 1739 foi a segunda ocasión da que se ten constancia, na que a localidade de Riveira era atacada directamente por corsarios ingleses. A primeira vez foi o sábado, 11 de xuño de 1644 - fixo polo tanto recentemente 370 anos- cando o capitán Andrés de Otero Arias Mariño, ó servizo da Coroa española, defendeu “heroicamente” a poboación, que daquela tiña o seu centro de actividade en Banda o Río, núcleo orixinario xunto a Fondevila e Deán, da urbe actual. Tampouco era a primeira vez que a costa arousá padecía a acción dos saqueadores. Por eses mesmos anos sería atacado o sur da ría, como o amosan as noticias da época.

[caption id="attachment_1027" align="alignleft" width="391"] Imaxe de San Lourenzo[/caption]

O valor e a heroicidade da xente da comarca faría que xa en 1485 os Reis Católicos asinasen en Tarazona un protocolo de distinción conforme o cal os veciños destas terras poderían ser axustizados como nobres en caso de que fosen condenados a morte, excepción feita dos reos de traizón á Coroa. Así, os habitantes das terras riveirenses serían considerados “fidalgos ante a morte”.

Visita de Franco a Riveira

Pero obrigado é tamén facer referencia á visita que hai hoxe 70 anos fixo o xeneral Franco á localidade. O motivo? A inauguración da “Clínica do 18 de xullo” situada no barrio da Amarella. Aquela visita sen maior importancia é unha das que soia facer o ditador durante a súa estadía estival en terras galegas, obtivo a súa lembranza no rueiro local co nome de “Rúa 9 de Agosto de 1944”.

A perspectiva histórica e o acontecer fan hoxe esbozar un sorriso pola ocorrencia dos políticos locais, que, sen dúbida condicionados polas circunstancias da época, non tiveron máis remedio que facer boa unha iniciativa para inmortalizar aquela visita. O acontcemento quedou plasmado, á marxe das imaxes da prensa, nunha reportaxe do NO-DO que se pode ver hoxe no portal da historia local www.riveira.eu.

Por certo, non estaría mal, como propuxen xa hai tres décadas en artigos meus, que se cambiase polo menos o ano da rúa, que tería mas sentido en homenaxe ós veciños que o de manter o dunha mera visita protocolaria. Para cando?

http://youtu.be/nB3dMV6Q43A
Video Filmoteca Nacional- Nodo

O 9 de agosto de 1944, Franco visita Riveira. Recibido polas autoridades locais encabezadas polo alcalde, Miguel Rodriguez Bautista, o xeneral chega en medio dos aplausos do pobo no malecón , daquela Avenida José Antonio, conservando a parafernalia habitual da época. A imaxe amosa as honras ofrecidas polas centurias de Falanxe e a visita á "Clínica del 18 de julio" inaugurada ese día.

 

1961 Riveira Festas de verán

Nos anos sesenta cando Riveira era coñecida como a "Cidade branca da Ría de Arousa", as festas de verán tiñan entre os seus actos mais soados a tradicional procesión do Carme, o combate naval que se desenvolvía no porto, e o globo de papel, que a semellanza do de Betanzos soltábase na praza da Igrexa contendo comentarios e críticas da vida municipal e local. Aquel globo realizábao a familia Pita que o sigue facendo na capital da Mariña desde hai 135 anos. Levaba colgado un barquillo que soltaba fogos de artificio.

Traemos hoxe a esta páxina da nosa historia a portada do programa de festas do ano 1961 no que aparece a imaxe a cor da vella Casa Consistorial e o rimbombante titular “1ro premio de embellecimiento de Pueblos, 1959”.Quen o diria?.

[caption id="attachment_191" align="alignleft" width="354"] 1965 apr. Praza do Concello. Arquivo Joferpa[/caption]

Aquel folleto levaba un saúdo do alcalde, Alvaro Landeira Martínez, pregón de José María Castroviejo e artigos de membros das reais academias da lingua española e galega, amáis de artigos do Marqués de Revilla e de don Manuel Rabanal Álvarez, catedrático de grego da USC. A comisión de festas estaba presidida por José Bello Vilas.

E esta outra fotografía amosa as festas de verán do ano 1979. Como se aprecia a fachada do malecón bulia de actividade, sobre todo de coches nun soleado dia de agosto.Vese tamén o monte e a Capela de San Alberte, aínda non afectado pola desfeita do polígono industrial de Xarás, e tamén o Caramecheiro  cos incipientes edificios algúns deles aínda en contrucción.

1965 Riveira Avda.do Malecón

Esta fotografia corresponde a unha vista do malecón a zona máis emblemática de Riveira. Foi realizada sobre o ano 1965 .Nela aparecen aínda o secadeiro de Colomer, en pe está a “Fábrica de Cardona”, que se incendiou en 1967 e o lado a “Fábrica do Abadiño”.
Na memoria colectiva do noso pobo lembrase aquela madrugada no que o lume arraxou cunha das máis emblemáticas conserveiras da vila.  A ese suceso uneuse unha serie de circunstancias que tiveron ós servizos de bombeiros de protagonistas. Aquela noite os veciños intentaron apagar con cubos o lume que de xeito espectacular queimada a fábrica……

[caption id="attachment_998" align="aligncenter" width="511"] 1965 Riveira Malecon[/caption]

1970 Aprox. Festa da Dorna

24 de xullo cumprense 67 anos da posta en marcha da Festa da Dorna. A historia da mesma aparece recollida na páxina da Confradia, e hoxe do arquivo inicial creado polo lembrado Alejandro Llovo (D.E.P), traemos unha imaxe que recolle as xuntanzas que se celebraban na Sala de Festas Cambeiro e que servia de prólogo o baile de gala que empezaba ás 12 da noite.

Emilio Sanmamad e a súa esquerda Constantino Cobas Alvarez,  xunto con outros amigos, sabedes quenes son?, aparecen nesta fotografía coa que hoxe queremos rendir homenaxe a esta emblemática festa recuperada nos últimos anos tras unha travesía polo deserto de varios anos.

[caption id="attachment_991" align="aligncenter" width="500"] 1970 Riveira Festa da Dorna[/caption]

O ano seguinte da sua creación en 1949, celebrariase o primeiro baile de gala que tería lugar na “Salón Cambeiro”, cedido durante anos para a recadación de cartos cos que se farian dornas que se sortearian entre as familias necesitadas do concello.

O paso do tempo faría esmorecer a Festa dá Dorna a finais dous anos oitenta, si ben xa na década dos 90, un grupo de mozos recupera a celebración dándolle iso si un carácter totalmente distinto.  A reprodución amosa a primeira invitación do baile de Gala que tería lugar ese ano o 23 de xullo, se ben posteriormente pasaría o 24 de xullo.

[caption id="attachment_992" align="aligncenter" width="550"] 1949 Invitación da festa da dorna o segundo ano da súa creación. Arquivo Joferpa-Dorna[/caption]

©riveira.eu . Si coñece algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.eu. Grazas

1921 Vigo recepción heroínas de Sálvora

Recollemos hoxe a recepción que a cidade de Vigo deu ás heroínas de Sálvora. Como se aprecia na imaxe publicada nas revistas da época, milleiros de personas congregaronse diante da antigua Casa Consistorial para recibir ás catro mulleres, que en carrilana percorreron as rúas principais da cidade olívica. Unha homenaxe que por certo nunca chegaron a ter na súa propia cidade. Ninguén é profeta na súa terra.

Esperemos que esa exposición que está a organizalo Concello de Riveira recoñeza por fin o labor destas mulleres, dos homes e do pobo en xeral no seu comportamento naqueles días.

[caption id="attachment_984" align="aligncenter" width="500"] 1921 Vigo recepción Heroínas de Sálvora[/caption]

©riveira.eu . Si coñece algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.eu. Grazas

 

1945 aprx. Riveira Procesión do Corpus Christi

Recentemente celebrouse a festa do Corpus, xa sabedes un dos tres xoves do ano que brilan mais que o sol...), pero claro eran otros tempos e aqueles xoves festivos psaron a domingo. A imaxe amosa precisamente  aprocesión do Corpus dun xoves dos anos coarenta,  que percorría as rúas de Santa Uxía. Alguén sabe ubicalo sitio? Xeneral Franco preto de Rosalia Castro? . A foto foi cedida o arquivo parroquial para a exposición e a  edición do libro que a finais de ano sairá co gallo dos 150 anos da consagración da  Igrexa Parroquial.

[caption id="attachment_978" align="aligncenter" width="500"] Riveira. Corpus na década dos coarenta .[/caption]

©riveira.eu . Si coñece algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.eu. Grazas

1960 aprx. Riveira O Carme verán

A principios do século XX , Riveira chegou a ter case duas semanas de festas. Unianse toda-las celebracións relixiosas. Evidentemente eran outro tipo de "solemnidades". Co paso do tempo separaronse e cada unha foi caendo na súa data actual. ë o caso das festas do verán na que se celebra O Carme, San Pedro, San Cristovo, etc.

A imaxe corresponde a principios dos anos sesenta coa celebración da festa do Carme, coa Patrona Santa uxía daquela as mais importantes da cidade.

[caption id="attachment_973" align="aligncenter" width="500"] 1960 Riveira Festas do Carme[/caption]

©riveira.eu . Si coñece algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.eu. Grazas

1964 Riveira. O “Monumento”cincuenta anos da súa Consagración

O “Monumento”cincuenta anos da súa Consagración.

Artigo de Xosé Fdez. Pazos, historiador e xornalista. (riveira.eu)

Este ano 2014 está marcado por múltiples aniversarios da nosa pequena crónica local. Hoxe lembramos un deles dos que se cumpre medio século.
Coincidindo co centenario da consagración da Igrexa Parroquial de Santa Uxía, un grupo de veciños da localidade iniciaba en 1961-62 o proxecto de construción dun Monumento o Sagrado Corazón de Xesús.

Para aquela iniciativa encabezada por Josefa Santos, tomáronse como referencia os distintos monumentos que existían no mundo como por exemplo o de Rio de Janeiro, San Juan de Aznalfarache...etc.

O lugar elixido para a construción dominaba por aqueles anos toda a Ría de Arousa, o que facía que o futuro monumento adquirise unha imaxe impresionante, sobre todo polas noites, cando quedaba iluminado espectacularmente e era visible desde boa parte da costa e do mar o non existir edificios mais altos o seu redor.

A súa situación daría denominación o barrio que leva aínda hoxe o seu nome “Monumento Sagrado Corazón de Xesús”, aínda que popularmente é coñecido como “O Monumento”.

[caption id="attachment_965" align="aligncenter" width="600"] 1964 Riveira Vista-desde-o-Monumento[/caption]

[caption id="attachment_964" align="alignright" width="300"] Alcalde Felix Garcia Arriaga[/caption]

[caption id="attachment_963" align="alignleft" width="300"] Cardeal Fernando Quiroga Palacios[/caption]

A torre sobre o que se sitúa a imaxe está coroada por unha escultura do Sagrado Corazón de dous metros e medio de altura, foi realizada polo artista santiagués J.Aldrey, e representa a Cristo cos brazos estendidos situado sobre un pedestal dunha altura equivalente a 4 pisos. O seu pe hai unha cripta para o culto que acolle hoxe os restos de don Juan Bautista Boo, á sazón o párroco na época no que se fixo o Monumento.

Por iniciativa de Josefa Santos e tras unha colecta popular, o templo sería edificado nun terreo doado á Igrexa por Manuel Picher. A obra seria realizada pola empresa Obrascon. Este edificación foi consagrada tal día como hoxe un domingo de hai cincuenta anos o 28 de xuño de 1964 polo Cardeal Fernando Quiroga Palacios.

O monumento está situado nunha gran zona de pouco mais de 700 metros cadrados no que convive unha escalinata con zonas verdes e nas que hai varios cipreses e palmeiras. Da inauguración, das obras e de vistas do lugar pódese ver unha ampla reportaxe no portal www.riveira.eu.

Desgraciadamente a zona e o monumento presenta un estado bastante deteriorado e apenas se realizan actividades relixiosas que nos últimos tempos quedas limitadas a dúas festas o ano. As prioridades e a pouca operatividade como centro de culto debido ás súas reducidas dimensións, e o feito de quedar rodeado por edificios que o encaixaron abocaron o Monumento case o esquecemento.

1925 Riveira dique (Malecón)

O 23 de xuño de 1902 a comisión municipal de Riveira adxudicaba ante o notario da capital coruñesa a finca e ruínas do que fora noutrora Casa Consistoriall.

Don Pedro Celestino Porteiro sería o adxudicatario da mesma e por ela pagaría a cantidade de 15.075 pesetas (90,60 euros). A finca fora dividida en catro parcelas que ocupaban en total 528 metros cadrados.  A casa Consistorial situábase entre as rúas Romero Ortiz, Gravina (hoxe Rúa do Sal) e o malecón (na imaxe o final á dereita,  e actualmente ocupada pola Farmacia do Malecón, A Cuba e outro bar). A fotografia é da colección de postais editadas entre 1925 e 1930.

©riveira.eu . Si coñece algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.eu. Grazas

1930 aprx. Riveira Fábrica Cardona

Remítennos esta imaxe correspondente a unha placa das que habitualmente facían as conserveiras para promocionalos seus productos. Trátase dunha da emblemática fábrica de Cardona que se incendiou o 9 de decembro de 1967, o solar foi ocupado posteriomente polo Círculo Mercantil e Industrial, a Biblioteca Pública, o Centro cultural Lustres Rivas e a Caixa.

Cardona era unha das conserveiras mais importantes da localidade riveirense. O noso agaredecento o amigo que nos fixo chegar esta imaxe e invitarvos a que sigades colaborando para manter o sitio. Grazas.



 

 

 

1979 Riveira dique en festas

A fotografia amosa as festas de verán do ano 1979. Como se aprecia a fachada do malecón bulia de actividade, sobre todode coches nun soleado dia de agosto.Vese taén o monte de San Alberte aínda non afectado pola desfeita do polígono industrial de Xarás, e tamén o Caramecheiro  cos incipientes edificios algúns deles aínda en contrucción.

©riveira.eu . Si coñece algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.eu. Grazas

1960 Riveira Bandourrio

Cheganos esta imaxe aérea da barriada de Bandourrio, con Deán, os núcleos orixinarios  da cidade. Ainda se ven as fábricas de Valeiras no Touro o fondo, e Cerqueiras en primeiro plano e como non a salazonera de Colomer que daba nome á máis popular das praias da cidade. Como se aprecia na imaxe estabamos en primavera ou verán xa que a praia estaba moi concorrida.  ©riveira.eu . Si coñece algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.eu. Grazas

 

1930-Axeitos. O dolmen

Seguimos percorrido, nesta ocasión trátase dunha simpática postal dos anos 30 do século pasado no que se aprecia a un grupo de sacerdotes visitando o Dolmen De Axeitos. Alguén coñece ós protagonistas?.

1969 Riveira Romaria de San Alberte

Santa Uxía celebra este luns 28 de abril a secular romaría en honra de San Alberte que marca o inicio das celebracións festeiras das comarcas da barbanza e de arousa norte.
A capela está situada no cumio do monte do mesmo nome, a 200 m. de altitude e dende o que hai unha fermosa panorámica da ría de arousa cara a un lado, e sobre o Parque Natural das dunas de Olbeira cara ao outro.  Esta construción, de reducidas dimensións, data do s. XII, aínda que de época románica só conserva o presbiterio. O resto da nave e a sancristía datan do s. XVIII.
Nela ten lugar a romaxe de San Alberto, coñecida como a romaxe "do cambio de tella".
A celebración, na que participaban as donas dos mariñeiros coa intención de acelerar a chegada dos maridos, consistía en ir movendo unha das tellas da cuberta da capela dende o sentido dun punto cardinal cara ao contrario para regular a dirección dos ventos no sentido favorable.
A romaxe celebrase desde hai séculos e congrega a centos de romeiros que participan na puxa de galiñas e ovos que son subhastados para cos cartos mantela capela. Os fieis sacan en procesión a pequena imaxe do santo, e nos últimos lustres tiran a tella cara a unha ornacina pequena, na que segundo a tradición maís moderna sin non cae o chan antes dun ano a parella casase.
O certo é que a tradición é o cambio da tella para favorecer por parte das mulleres de mariñeiros o cambio do sentido do vento para traer as embarcacións cara a terra xa que a capela ofrece un especatular mirador das rias. A festa maior celebrarase esta tarde a partir das seis. Por certo existe un dito popular que nos remonta a tempos en que non habia faros e que di que: "Si a Curota ves tapar vai a San Alberte a ventear" , en clara referencia o cambio da tella e o cambio de dirección  do vento para traer as embarcacións cara terra.
©riveira.eu . Si coñece algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.eu. Grazas

 

1960 Riveira Casas baratas

Seguimos no noso percorrido fotográfico pola historia local de Riveira e hoxe traemos unha imaxe aérea datada aproximadamente en 1960. Xa estaba construído o Grupo escolar e as casas baratas. Apreciase tamén a esquina das naves de Talleres Nervión e as avenidas Miguel Rodriguez Bautista e por aquel entón a rúa Alcazar de Toledo, actual Mariño de Rivera. Foto P.E.

Por certo animaros a dar difusión á web e a uniros o grupo de facebook: https://es-es.facebook.com/Riveiranahistoria©riveira.eu . Si coñece algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.eu. Grazas

1954 Riveira visita do ministro de obras públicas

A fotografía recolle a visita do Ministro de Obras Públicas, Fernando Suárez de Tangil y Angulo, conde consorte de Vallellano a Riveira. Aparece na praza de Otreo Goyanes, antigua Porta do Sol e Praza do Carmen,  acompañado do alcalde Miguel Rodriguez Bautista, considerado na historia popular local como o mellor rexidor que tivo a localidade. Apreciase o engalanamento tamén da Casa dos Otero. Por certo faltarían aínda dous anos para que a familia recuperase de novo a Illa de Sálvora despois de que fora expropiada en 1906 polo Ministerio da Guerra por necesidades de defensa nacional.

©riveira.eu . Si coñece algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.eu. Grazas

1969 Domingo de Ramos

Este domingo celebrouse "Domingo de Ramos" hoxe recuperamos esta vella imaxe do celebrado en 1969 que caeu un 30 de marzo. Na fotografia vese á dereita a Casa de Albino, actual administración de Loterias número 1 e que antiguamente era o edificio de Correos, en segundo plano aparece o edificio de Acción Católica. Foto AHM

©riveira.eu . Si coñece algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.eu. Grazas

2014 Reportaxe sobre Cáritas Riveira

Peza  sobre Cáritas Riveira e o recoñecemento o seu labor realizada pola TVG para A REVISTA FIN DE SEMANA" emitida o domingo 6 de marzo de 2014.
http://vimeo.com/91912880

1965 Palmeira

1965 Postal de Palmeira a mediados dos sesenta.A parroquial de San Pedro preside esta vila que é das máis vellas do concello. Chegou incluso a ser concello nso anos trinta do século dezanove xuntoa Santa Uxía, Olveira e Carreira.

1965 aprx. Riveira Igrexa parroquial

A imaxe amosa a praza da igrexa parroquial a principios dos sesenta. O empedrado da praza tan típico e que servia de aparcadoiro ós poucos coches que circulaban na cidade. O edificio do templo cumprirá o próximo 20 de novembro, 150 anos desde a súa consagración.

[caption id="attachment_899" align="aligncenter" width="550"] 1965 Riveira Igrexa Parroquial de Santa Uxía[/caption]

 

1974 Riveira Avda.José Antonio Primo de Rivera

Recuperamos hoxe esta postal de mediados dos setenta que nos ofrece unha perspectiva do malecón, daquela Avenida de José Antonio Primo de Rivera. Riveira que obtivera en 1959 o “Premio Nacional de embellecemento de pobos”, conservaba xa pouco das vilas mariñeiras que a fixera popular ” a cidade branca da Ría de Arousa”.

A imaxe amosa o solar da  fábrica de Cardona que se incendiou o 9 de decembro de 1967. O seu lado o edificio da Caixa antigua fábrica do Abadiño e tamén a salazonera de Colomer. En primeiro plano á dereita a esquina da axudantia de marina e o edificio do carro que daba servizo o porto e onde estaba a maquinaria que servia para subir os barcos o dique de arranxo.



©riveira.eu
Si coñeces algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.info

 

 

 

2014 Programa Ribeiras dedicado a Riveira

Programa da TVG emitido o luns 24 de marzo de 2014, dedicado ás Ribeiras de Galicia. Nesta edición recollese a vida nos portos de Riveira e A Guarda.
https://vimeo.com/90013658

20140325 Programa Ribeiras da Tvg

As historias persoais das xentes do mar galego volverán asomarse este luns á pantalla da TVG cunha nova entrega do programa "Ribeiras", que hoxe viaxará aos portos de Ribeira e A Guarda, onde atopará dúas persoas moi coñecedoras da nosa extensa cultura marítima, o que dará como resultado un programa cunhas fondas raíces culturais.

En Ribeira, os espectadores coñecerán a José Antonio Pérez, que, ademais de mariscador, é o patrón maior. José Antonio vai ao marisqueo a flote, á extracción da ameixa, e traballa co seu cuñado. Na xornada que compartirán co equipo do programa van ter un contratempo, xa que a un dos raños cos que traballan vaille partir a vara e quedar no fondo do mar, co que o froito do traballo dese día pode acabar no mesmo lugar. Dentro do malo, isto sucédelles cando xa estaban rematando a xornada e dálles tempo a facer boas capturas.

Por outro lado, "Ribeiras" asistirá na Guarda a unha xornada na vida de Carmen Baz, que se inicia abrindo o seu restaurante e atendendo os provedores para ter todo a punto cando chegue a súa nai, que foi quen montou xunto co seu home o restaurante, onde hoxe é a cociñeira. Ademais, o programa coñecerá o irmán de Carmen, Tino Baz, un home destacado na música tradicional galega. Esta paixón venlle de seu pai, que foi mariñeiro e un amante da música popular, algo moi habitual nas xentes do mar.

2014 Reportaxe sobre a Parroquia de Riveira

Programa emitido pola TVG o domingo 26 de xaneiro de 2014 no programa relixioso "Polo Camiño da Fe".

Entrevista o párroco Cesáreo Canabal co gallo da celebración do 150 aniversario da consagración do templo parroquial de Santa Uxía. Entrevista o P. franciscano Enrique Roberto Lista.
http://youtu.be/5yhdd2WRNVc

Programa "Polo camiño da Fe" 20140126 sobre os 150 anos da Igrexa de Riveira

1972 Riveira Praza de José María Otero Goyanes

A postal amosa a Praza de Otero Goyanes a principios dos anos 70. Na imaxe pódese ver de esquerda a dereita o establecemento de Foto Eugenio, o de electrodomésticos Alex (non lembro o nome), a sede daquela novo Banco de Bilbao (vello Banco da Coruña), enriba a sede do Círculo Mercantil e Industrial e tamén coma non o establecemento Santos, onde estaba antigamente o barato de Riveira na década dos anos vinte do século pasado e hoxe Reloxería Montero.

Coma non aparece a Casa Solariega dos Otero, un dos seus descendentes, José María Otero Goyanes falecido en combate durante a Guerra Civil, da nome á praza que antigamente se chamaba Porta do Sol e ata principios do século XX, Praza do Carme.

©riveira.eu. Si coñece algún outro dato sobre esta imaxe ou sobre o que se ve nela non dubide en comentalo ou escribir a “redaccion@riveira.info”. Grazas.

 

1930 Castiñeiras

A fotografía amosa a actual parroquia de Castiñeiras nos anos 30 do século pasado. Por aquel entón pertencía á Parroquia de Santa Uxía e crearíase como tal en 1967. Castiñeiras é o pobo das dornas, unha embarcación típica da ría que segundo algúns investigadores remóntase ás invasións viquingas sendo unha adaptación en pequeno dos famosos drakkar. Existen varios tipos desta típica embarcación que da nome amais a unha das festas mais singulares a da dorna, creada como unha iniciativa social en 1948. A imaxe é dun álbum de postais de 1930 aproximadamente.

 ©riveira.eu. Si coñece algún outro dato sobre esta imaxe ou sobre o que se ve nela non dubide en comentalo ou escribir a “redaccion@riveira.info”. Grazas.

1944 Riveira A Soedade

En xaneiro de 1944 caia na comarca unha das nevaradas máis importantes do século. A imaxe corresponde o "Pazo de La Soledad" emblemático edificio situado na Coenlleira. Trátase dunha construción do século XVIII. Nel viviu desterrado ata a súa morte o sacerdote galego, Manuel Acuña y Malvar. Foi Párroco de Carreira. En 1792 foi elixido cóengo de Santiago. Vinculado o movemento intelectual inconformista de Santiago, o novo arcebispo mandouno desterrar. En 1809 organizou en Sevilla o levantamento de Galicia contra os franceses. Participou na reconquista de Vigo, onde foi nomeado gobernador político e durante as Cortes de Cádiz defendeu firmemente as leis liberais. Coa reimplantación do absolutismo en 1814, foi procesado e pechado no Convento de Herbón ata 1820. Pasou os seus últimos anos neste Pazo da Soedade que ten amais unha fermosa capela barroca, alí morrería en 1845.

[caption id="attachment_858" align="aligncenter" width="539"] @Arquivo Joferpa[/caption]

©riveira.eu. Si coñece algún outro dato sobre esta imaxe ou sobre o que se ve nela non dubide en comentalo ou escribir a “redaccion@riveira.info”. Grazas.

 

1960 Riveira Praia de Colomer

A fotografía amosa a praia de Colomer, xunto a de Coroso a que acudia a xente da cidade.  Na marxe esquerda apreciase o mercado de abastos, actualmente o Auditorio, e detrás a actual  fábrica de Cerqueiras, antiguamente Pereira. O fondo o barrio da Bandourrio que xunto a Deán é o núcleo orixinario da cidade.

[caption id="attachment_851" align="aligncenter" width="550"] @ Arquivo Joferpa[/caption]

©riveira.eu. Si coñece algún outro dato sobre esta imaxe ou sobre o que se ve nela non dubide en comentalo ou escribir a “redaccion@riveira.info”. Grazas.

1930 Riveira altar maior

Este ano o 20 de novembro, cumprense 150 anos da consagración do templo parroquial en 1864. Esta postal editada entre 1925 e 1930, pertence á colección da serie que se editaba en albums e no que aparece o altar maior da Igrexa Parroquial de Santa Uxía. A imaxeneria foi feita en 1906 polo prestixioso artista compostelán, Maximino Magariños, quen por certo chegou a afirmar que esta obra era incluso superior á do Altar Maior de Santa María de Pontevedra, que foi tamén realizada por el.

©riveira.eu. Si coñece algún outro dato sobre esta imaxe ou sobre o que se ve nela non dubide en comentalo ou escribir a “redaccion@riveira.info”. Grazas.

 

1930 Riveira Rúa Floridablanca

A fotografia pertence á colección de albuns editados polo "Barato de Ribeira"m, actualmente ocupado pola xoiería Montoro. Remóntamonos os anos 30 do século pasado, cando a rúa Floridablanca era o eixe da actividade comercial da localidade. Preciosa imaxe que seguro a moitos lembraranos a vella Santa Uxía. Por certo aportades algún dato sobre ela?.



©riveira.eu. Si coñece algún outro dato sobre esta foto ou sobre o que se ve nela non dubide en comentalo ou escribir a “redaccion@riveira.info”.Grazas

 

1930 Corrubedo

Esta fotografia realizada por S.M.d.V. ofrecenos unha perspectiva de Corrubedo a principios do primeiro terzo do século XX. Trátase dunha imaxe que forma parte dunha obra de referencia na bibliografía galega. Corrubedo é un dos pobos mais emblemáticos da nosa costa, aparece xa citado nos mapas da baixa idade media pola sua costa considerada o inicio da Costa da Morte.  A principios do século XIX formou parte do incipiente e breve Concello de Olveira, que xunto os de Carreira,  Palmeira e Riveira integran o actual.

©riveira.eu. Si coñece algún outro dato sobre esta foto ou sobre o que se ve nela non dubide en comentalo ou escribir a “redaccion@riveira.info”.Grazas

1930 Riveira porto

Seguimos avanzando no noso percorrido pola historia fotográfica local. A pesar de que ninguén se anima a colaborar tentarei non desanimarme e o que se di neste caso non tirar a toalla.

A imaxe de hoxe amosa unha imaxe dos anos 30 do peirao de Riveira. Construido inicialmente no 1800 esta zona seria reformada e pasaria de ser dunha estructura de madeira a unha de pedra tendo varias fases de mellora e ampliación que ainda continuan agora. O fondo apreciase entre a  néboa os picos da Curota e dos Forcados.  A fotografía  foi publicada nos anos 30 nunha das obras emblemáticas sobre o noso pais.

©riveira.eu. Si coñece algún outro dato sobre esta foto ou sobre o que se ve nela non dubide en comentalo ou escribir a “redaccion@riveira.info”.Grazas

 

1959 Riveira aérea

A imaxe foi tomada a finais da década dos 50 principios dos 60, de aí que a datemos nese ano. Estaba en fase de construcción o peirao da lonxa. Poucos comentarios que facer a esta fotografía na que se apreza a beleza da localidade e a súa "potencia" industrial. Santa Uxía recibira o ano 1959 o "Premio Nacional de embellecimiento de Pueblos".

P.D. Lamento o da marca de auga pero xa vos dixen que estan a piratear as imaxes sin citala fonte.

 

1947 Nosa Señora da Guía - Carreira

Hoxe imos facer un chamamento a ver si vos animades un pouco a colaborar. Desde Santiago cheganos esta fotografía datada o 26 de maio de 1947, festa da Guía en Carreira. Alguén pode aportar algún dato sobre as persoas que aparecen na imaxe?. Grazas

1925 Vista de Coroso

 

Imaxe de Coroso nos anos 20 do século XX. Na fotografía intúese a estrada que une Riveira con Palmeira marcada polos famosos "plataneiros" que limitaban a estrada. Tamén se ve o final dá enseada a Illa dos Ratos.  A estrada foi construída sendo Ministro Antonio Romero Ortíz na década dous anos 60 do século XIX. Substituíu ou lanuxe Camiño Real que discurría pola costa ata Palmeira

Nota: Desgraciadamente véxome na obriga de incluír a partir de agora, unha marca de auga nas fotografías dado que algúns se dedican a piratear as imaxes cortándolle o texto da propiedade e sen citar a procedencia, que é o mínimo que se pode facer, e que nos sempre facemos cando se toma unha imaxe doutro sitio. Lamento as molestias pero aproveitarse do traballo dos demais non parece ético.

@joferpa. Colección privada

2014 A parroquia de Santa Uxía vivirá un ano de celebracións. La Voz Barbanza

Pois o domingo saiu en La Voz de Barbanza o seguinte artigo sobre a historia da Igrexa de Riveira. Os que lle interese xa sabe que poden descargalo desta páxina . Grazas  e xa sabedes que temos o grupo riveira na historia en facebook.

2014 A parroquia de Santa Uxía vivirá un 2014 cheo de celebracións

Reproduzco de seguido o artigo publicado en La Voz de Galicia neste domingo 5 de xaneiro sobre os aniversarios dos actos da Parroquia de Riveira neste 2014. -------

Desde que un 28 de decembro de 1159 leramos por primeira vez o nome de "Santa Eugenia de Ripe Maris", nunha doazón do monarca Fernando II no recén creado núcleo de Santa Eugenia o Mosteiro de Melón, transcorreron séculos de historia local dun lugar, despois pobo, vila e cidade, unida sempre o mar.....

[caption id="attachment_703" align="alignleft" width="297"] 1920 Patrona Santa Uxía (Riveira). Arquivo Joferpa[/caption]

Hoxe iniciamos 2014 como un ano cargado de celebracións parroquiais no que a Comunidade cristián da vila seguirá desenvolvendo a súa intensa actividade relixiosa, formativa e social.

E neste repaso inicial do recen estreado ano lembramos varios acontecementos que terán lugar nos próximos meses e nos que esperamos que a Comunidade participe activamente coa súa colaboración.

Neste 2014 celebraremos o 150 aniversario da consagración do templo parroquial.

Na década dos anos cincuenta do século XIX, contaba Santa Uxía con algo mais de 2.300 almas, e un deteriorado e vello templo que unido o seu reducido tamaño decidiran as autoridades civís e eclesiásticas, a construír un novo edificio.

Por aquel entón o Párroco don Andrés Vilarelle, e o Alcalde don José Landeira Sevilla, inician o proxecto co apoio do gran benfeitor da localidade don Antonio Romero Ortiz.
En 1860 se procedía á demolición da Igrexa antiga e a nova faríase entre ese ano e 1864. 0 lugar elixido para levantala era un amplo solar chamado "Horta do Palomar" situado na confluencia das rúas Venecia e Floridablanca e que daría posteriormente orixe á chamada Praza do Carme, e xa a principios do século XX á que se chamaría Porta do Sol e hoxe Otero Goyanes.
O edificio sería deseñado polo arquitecto Faustino Domínguez Domínguez, e o acto de Consagración tería lugar un domingo 20 de novembro de 1864, presidido polo Párroco don Domingo Antonio do Pazo e o que asistiu don Antonio Romero Ortiz.

Pero este ano 2014 tamén será o do cincuentenario da consagración do Monumento o Sagrado Corazón de Xesús.

Durante anos o “Monumento o Sagrado Corazón” presidiu toda a cidade de Riveira. Era visible desde moitos puntos da costa e da ría ata que quedou rodeado de edificios. Este templo foi construído pola empresa Obrascom en tempos do párroco don Juan Bautista Boo Romero. A iniciativa foi de dona Josefa Santos e tras unha colecta popular, edificouse nun terreo doado á Igrexa por Manuel Picher. Sería o Cardeal Quiroga Palacios o que o Consagrou en xuño de 1964.

E rematamos este breve resumo lembrando que tamén este ano 2014, cumpriranse os 35 anos do nomeamento e chegada como párroco de Cesáreo Canabal. Sería o16 de xullo de 1979, día do Carme cando chegaría a Santa Uxía, parroquia na que leva desenvolvendo unha intensa actividade como pastor da Comunidade católica, que non dubidamos continuará dando os seus froitos neste ano de tantas celebracións.