1925 Riveira Coroso

Esta imaxe datada nos anos vinte do século pasado foi realizada polo popular fotógrafo noiés Elias Diez, a quen se lle atribue a maioira das fotografias dos albums editados sobre Riveira e as súas parroquias. Esta en concreto corresponde á praia de Coroso e a nova  estrada que unia Riveira con Palmeira, e da que se ve a fila de "plataneiros" que ata os anos 70 cubria esa estrada.  Alguén sabes desde onde se poido tomar esta imaxe?

1925 Riveira Coroso

©riveira.eu . Si coñece algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.eu. Graza

1970 Riveira Praza de Calvo Sotelo actual do concello

A vella Casa Consistorial  que aparece nesta imaxe de Foto González, sería derrubada no primeiro trimeste do ano 1974. O edificio foi construído en dúas fases, a primeira delas en 1904 cando o Alcalde, José Martínez Fernández, de quen xa falamos nesta mesma web (ver enlaces) retoma o proxecto de construcción dun edificio municipal tras arder o anterior en 1862 e estar de aluguer durante mais de 40 anos. Este rexidor  retoma un proxecto anterior doutro alcalde,  Manuel Fernández González, que en 1878 quixo facer o Consistorio. Tratábase de sustituir o vello edificio  e encargou o  proxecto o arquitecto, Juan Ramón Correa Mariño, se ben non se levou a cabo.

Outras imaxes da praza :http://riveira.eu/arquivos/136

[caption id="attachment_783" align="aligncenter" width="435"] 1970 Riveira Praza do Concello[/caption]

©riveira.eu. Si coñece algún outro dato sobre esta foto ou sobre o que se ve nela non dubide en comentalo ou escribir a “redaccion@riveira.info”.Grazas

93 anos do afundimento do vapor Santa Isabel

O próximo 2 de xaneiro cúmprense 93 anos do afundimento do vapor-correo Santa Isabel. En 1998 o historiador e xornalista, Xosé María Fernández Pazos, publicaba na prensa unha serie de reportaxes sobre a historia do naufraxio, artigos que serían o xermolo do libro, exposicións, conferencias, reportaxes e posterior reportaxe feito pola TVG para o programa O Mar. Era a primeira vez que se daban a coñecer imaxes sobre a construción, o interior do buque e o naufraxio.

A historia daquel tráxico suceso permanecera ata esa data no anonimato oficial durante setenta e sete anos, se ben as vilas de Arousa gardaron na memoria colectiva a traxedia e o comportamento dos habitantes da illa de Sálvora e da cidade de Riveira. As lendas e historias dos raqueiros, tan habituais nas costas galegas, volveron a aflorar tralo naufraxio do buque, se ben neste caso sen fundamento, como o amosaron os informes oficiais, os escritos do capitán e do segundo oficial do vapor, Luís Cebreiro, heroe este xunto coas mulleres da illa, de salvar a medio cento de persoas.

O autor traballou durante anos na recompilación de datos sobre o afundimento e o porqué do silencio da traxedia. Aquela edición de autor esgotouse en apenas dous anos, e o traballo publicado contou con numerosas loas tanto polo escrito como pola edición, que hoxe, debido ás súas características, sería difícil de repetir.

Ante a petición de numerosas persoas fisoxe unha reedición en rústica manténdose as características gráficas da obra inicial. O libro está á venda en librerias da comarca  e pódese conseguir a través do enderezo electrónico salvora@riveira.eu, ou no teléfono 630 56 01 65. 

O custe da obra é de 22 euros incluídos o contraeembolso, mesmo prezo que en librarias. Un boo agasallo de nadal xa que apenas quedan unahs ducias de exemplares da reedición.

Video sobre o naufraxio: 

    http://riveira.eu/arquivos/527

Artigos:

    La Voz de Galicia http://riveira.eu/arquivos/62

    El Correo Gallego http://riveira.eu/arquivos/6

    Faro de Vigo http://riveira.eu/arquivos/21

    El Pais  http://riveira.eu/arquivos/20

 

1965 Riveira Dique (fábricas conserveiras)

Esta fotografia corresponde a unha vista aérea do dique (malecón) da zona máis emblemática de Riveira.
Foi realizada sobre o ano 1965 xa que nela aparece aínda en pe a "Fábrica de Cardona", que se incendiou o 9 de decembro de 1967. Vese ademais o "Colexio El Pilar", e detrás a finca de Landeira e o lado a "Fábrica do Abadiño".
Na memoria colectiva do noso pobo lembrase aquela madrugada no que o lume arraxou cunha das máis emblemáticas conserveiras da vila.  A ese suceso uneuse unha serie de circunstancias que tiveron ós servizos de bombeiros de protagonistas

.Aquela noite os veciños intentaron apagar con cubos o lume que de xeito espectacular queimada a fábrica......

[caption id="attachment_767" align="aligncenter" width="425"] 1967. Riveira dique. Conserveiras.
P. Escudero.[/caption]

O noso agradecemento a Pedro Escudero, por enviarnos esta preciosa imaxe e animaros a que sigades colaborando.

©riveira.eu. Si coñece algún outro dato sobre esta foto ou sobre o que se ve nela non dubide en comentalo ou escribir a “redaccion@riveira.info”.Grazas

1948 Talleres El Nervión

Magnifica fotografía das primeiras instalacións de Talleres El Nervión no Dique da entón Avenida de José Antonio.

Falar de "Talleres El Nervión" é falar dunha das industrias máis salientables dos anos 40 a 70 do século XX. Situada na entón "Calle Alcazar de Toledo" (actual Mariño de Rivera) e no dique do porto (Dique), dedicouse á fabricación dos motores diesel, baixo a marca "HMR- Hermanos Martínez Rodriguez".

Especializada especialmente en motores de camións e barcos, onde obtivo grande renome.

Existe unha páxina non que se recolle grande cantidade de imaxes desta emblemática empresa á que invitamos ós nosos seguidores a visitar para ter mais ampla información da mesma. Recollemos hoxe esta imaxe de Andrés Gude a quen agradecemos a súa colaboración que esperamos anime a mais xente a facilitar documentos dá vella Riveira.

 

[caption id="attachment_760" align="aligncenter" width="450"] Talleres El Nervión. Avenida José Antonio.  Riveira (1948)[/caption]

©riveira.eu. Si coñece algún outro dato sobre esta foto ou sobre o que se ve nela non dubide en comentalo ou escribir a “redaccion@riveira.info”.Grazas

1975 aprx. Caramecheiro

A imaxe data de principios dos anos 70 e amosa a praia de Coroso no Caramecheiro. Vese o famoso aparcadoiro, o primeiro da cidade, que servía mais de pista de xogos que de garda coches. Debaixo estaba o "Club Naútico" e vese tamén a estrada da Avenida da  Coruña, e na parte superior á dereita o polideportivo e o "Instituto Santa Uxía", construídos os dous na beira do vello Camiño Real que unía Riveira con Palmeira. Foto Antonio Parada

[caption id="attachment_753" align="aligncenter" width="500"] 1975 Riveira. Caramecheiro[/caption]

 ©riveira.eu. Si coñece algún outro dato sobre esta imaxe ou sobre o que se ve nela non dubide en comentalo ou escribir a “redaccion@riveira.info”. Grazas

 

1982 Praia de Colomer

A fotografia amosa a praia de Colomer, xunto a de Coroso a que acudia a xente da cidade.  Na marxe superior dereita apreciase o mercado de abastos actualmente o Auditorio e o final a chimenea da fábrica da actual fábrica de Cerqueiras, antiguamente Pereira. O fondo o barrio da Bandourrio que xunto a Deán é o núcleo orixinario da cidade.

[caption id="attachment_747" align="aligncenter" width="500"] 1982 Praia de Colomer en 1982. Arquivo Joferpa[/caption]

 ©riveira.eu. Si coñece algún outro dato sobre esta imaxe ou sobre o que se ve nela non dubide en comentalo ou escribir a “redaccion@riveira.info”. Grazas.

 

 

 

1940 (Aprx )Aguiño varadoiro de dornas

Esta imaxe remitida por Sito "O Chopo" corresponde a unha vista da  parroquia de Aguiño na década dos anos 40 do século pasado. 

Creada como parroquia en 1959, Aguiño é unha dás zonas do concello menos coñecida e cun pasado vinculado o mar e cheo de lendas. En 1897 no censo municipal este lugar pertencia a Carreira, a máis importante do municipio na idade media, e apenas contaba con 17 censados, o que pode dar idea do seu espectacular crecemento, ata converterse na terceira parroquia do concello despois de Santa Uxía e Palmeira.

A ela pertence actualmente a Illa de Sálvora e o popularmente coñecido como peirao "Fenicio", en realidade unha construcción do século XVIII vinculada a  unha salazonera.

[caption id="attachment_741" align="aligncenter" width="550"] Foto enviada por Sito " O Chopo"[/caption]

©riveira.eu. Si coñece algún outro dato sobre esta imaxe ou sobre o que se ve nela non dubide en comentalo ou escribir a “redaccion@riveira.info”. Grazas.

1971 Pedra Pateira.Riveira

Esta preciosa imaxe cargada de enxebrismo está tomada en 1971. Trátase da zona de Banda ó Río ( Bandourrío), actualmente ocupada polo recheos do parque de Pedrapateira. Xunto a Deán (este aparece xa citado en documentos do século XII) é o núcleo orixinario de Riveira. Barrio mariñeiro por excelencia, é a única zona que mantén certo encanto de toda a cidade e conserva parte da súa estructura orixinal. ©riveira.eu. Si coñece algún outro dato sobre esta imaxe ou sobre o que se ve nela non dubide en comentalo ou escribir a “redaccion@riveira.info”. Grazas.

1914 Riveira, vista xeral do dique

Esta espectacular fotografía, en realidade tres, ofrece unha imaxe de toda a fachada do dique do porto de Santa Uxía. Publicada nun album de 1914 dos que solia facer “El barato de Riveira” (actualmente a Joyeria Montero) permítenos apreciar como era a recén nomeada cidade, destacando as salazoneras e conserveiras, das que chegou a a ver mais dunha ducia. Tamén vense as torres da igrexa Parroquial e coñecidas casas das que apenas quedan en pe media ducia.

A fotografia foí recuperada para un album publicado en 1975 co gallo do 50 aniversario do “Círculo Mercantil e  Industrial de Riveira”, creado en 1925 por un vallisoletano con pretensións iniciais de Cámara de Comercio. Para facela composición actual houbo que traballar darreo sobre os orixinais para casar as imaxes e retocalos fallos existentes, traballo realizado para a obra "Sálvora, memoria dun naufraxio. A Traxedia do Santa Isabel".

[caption id="attachment_727" align="aligncenter" width="2028"] 1914 Riveira dique. Arquivo Joferpa.[/caption]

1940 Muelle Colón Riveira

Traemos hoxe a aportación dun veciño de Santa Uxía. Unha magnifica imaxe dos anos cuarenta do século pasado que nos ofrece unha foto do muelle de Colón, no dique hoxe desaparecido polo recheo dos anos 80.


©riveira.eu. Si coñece algún outro dato sobre esta imaxe ou sobre o que se ve nela non dubide en comentalo ou escribir a “redaccion@riveira.info”. Grazas.

1950 Vista aérea de Riveira

A imaxe ofrecenos unha perspectiva aérea de Riveira dos anos 50. Apreciase claramente na imaxe as estradas do Son-Noia e de Padrón, as dúas conservando aínda os típicos "plataneros" que bordeaban as calzadas. Tamén se ve a vella lonxa e os primixenios peiraos. Facendo un barrido pola fotografía apreciase por exemplo a Avda.Miguel Rodriguez Bautista e as inicipentes casas baratas, o grupo escolar, as naves de Talleres El Nervión, na chamada entón rúa Alcazar de Toledo...
A fotografia pertence a unha serie de varias das que xa publicamos algunha en www.riveira.eu

[caption id="attachment_712" align="aligncenter" width="480"] 1950 Vista aérea de Riveira. Arquivo Joferpa. Foto PE[/caption]

©riveira.eu. Si coñece algún outro dato sobre esta imaxe ou sobre o que se ve nela non dubide en comentalo ou escribir a “redaccion@riveira.info”. Grazas.

1920 Patrona Santa Uxía

Hoxe día da patrona Santa Uxía, baixo o patronazgo da cal está Riveira desde a creación parroquial no século XII, traemos a imaxe dunha postal de principios dos anos 20 do século pasado, editada polo establecemento "El que mas barato vende:EL BARATO DE RIBEIRA" establecementos Baltar, que ocupaba o que hoxe é a sede do BBVA na Praza da Igrexa.
A imaxe foi realizada polo prestixioso escultor compostelán Maximino Magariños Rodriguez de Bendañ, a quen se lle encargou tamén a realización do altar maior da igrexa parroquial presidida pola imaxe de Santa Uxía, martir do século V.
Dada a celebración que estamos a vivir publicamos unha breve cronoloxía histórica da parroquia desde que aparece citada por primeira vez nos documentos históricos e que esperamos sirva para coñecer un pouco mais a nosa historia. Feliz día de Santa Uxía.....

[caption id="attachment_703" align="aligncenter" width="297"] 1920 Patrona Santa Uxía (Riveira). Arquivo Joferpa[/caption]

BREVE CRONOLOXIA HISTORICA DA PARROQUIA DE SANTA UXIA DE RIVEIRA

- Séc XII. Creanse as parroquias dentro do arciprestado de Postamáricos, Riveira queda baixo a advocación de Santa Uxía.
- 1159. Aparece por primeira vez nun documento o nome de “Santa Eugenia de Ripe Maris”.
- 1182. Referencia documental a Deán Menor nun testamento de doazón de propiedades a Toxosoutos.
- Séc XII.Referencia documental á capela de Santo Alberte.
- 1438. Referencia a “Sta. Ougea de Rribeyra” no ‘Liber Tenencie de Hórreo o memorial de la hacienda, rentas, pensiones da antigua Tenencia ”, escrito polo coéngo, Gonzalo Vázquez de Mandayo
- Séc. XVI. Referencia á existencia dunha igrexa na actual praza de Compostela.Primeiros libros de fábrica e bautizados
- 1864. Consagración da actual Igrexa Parroquial de Santa Uxía polo párroco Domingo Antonio do Pazo
- Séc XIX. Traslado do camposanto católico desde a praza de Compostela a Cristobal Colón
- Séc. XX. Traslado do camposanto ó actual en Fafián.
- 1921. Abrese o vello camposanto para acoller as víctimas do “vapor-correo Santa Isabel”.
- 1899. Construción da actual reitoral en substitución da vella situada no lugar de Queiximonde-Martín. Párroco Manuel Molinos Molinos
- 1904. Iníciase a construción do altar maior da Igrexa parroquial.
- 1960. Nace Radio Riveira, emisora parroquial, que emite na onda media desde a rúa Cristobal Colón.
- 1964. Inauguración do “Monumento ó Sagrado Corazón de Xesús” en tempos do párroco, Juan Bautista Boo Romero e por iniciativa de Josefa Santos.
- 1993. Consagración da Igrexa de Santa Clara, sendo párroco Cesáreo Canabal

©riveira.eu. Si coñece algún outro dato sobre esta imaxe ou sobre o que se ve nela non dubide en comentalo ou escribir a “redaccion@riveira.info”. Grazas.

1940 Riveira porto

Esta espectacular fotografía de apenas uns cms de ancho no seu orixinal, ofrece unha imaxe do peirao e das fábricas existentes na época en Santa Uxía. En primeiro termo os tellados do secadeiro de bacallau de Colomer. Vense tamén as fábricas de Cardona e do Abadiño e en primeiro termo o edificio do "fielato", onde se abonaban as taxas comerciais das mercadurias.



©riveira.eu . Si coñece algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.eu. Grazas

1940 Vista de Santa Uxía

Imaxe de Coroso nos anos 40 do século XX. Na fotografia apreciase a estrada que une Riveira con Palmeira e o final da ensenada a Illa os Ratos. A estrada foi construida sendo Ministro Antonio Romero Ortiz na década dos anos 60 do século XIX. Substituiu o vello Camiño Real que discurria pola costa ata Palmeira.



©riveira.eu . Si coñece algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.eu. Grazas

1915 Corrubedo

Esta postal ofrecenos unha perspectiva de Corrubedo a principios do século XX.Trátase dunha imaxe que forma parte dun album dos que habitualmente se editaban na época. Corrubedo é un dos pobos mais emblemáticos da nosa costa aparece xa citado nos mapas da baixa idade media pola sua costa considerada o inicio da Costa da Morte. A principios do século XIX formou parte do incipiente e breve Concello de Olveira, que xunto os de Carreira, Palmeira e Riveira integran o actual.



1915 Corrubedo.Arquivo Joferpa
©riveira.eu . Si coñece algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.eu. Grazas

1964 Monumento Sagrado Corazón de Xesús

Durante anos o "Monumento o Sagrado Corazón" presidiu desde a distancia toda a cidade de Riveira. Visible desde moitos puntos da costa e da ría ata que quedou rodeado de edificios, ocupa a parte mais alta do centro urbano, dando nome incluso a todo a barriada na que está ubicado: O Monumento.

Trátase  da imaxe dun Cristo de dous metros e medio de altura que, cos brazos extendidos, coroa un pedestal dunha altura equivalente á de catro pisos e na base da cal existe unha capela. Nela está soterrado o  que fora párroco de Riveira, Juan Bautista Boo Romero.

Este monumento fue construido en 1964 pola empresa Obrascom, por iniciativa de Josefa Santos e tras unha colecta popular, nun terreo doado á Igrexa por Manuel Picher. Sería o Cardeal Quiroga Palacios o que o inaugurou en xuño de 1964, día o que corresponde a imaxe.

[caption id="attachment_665" align="alignright" width="400"] 1964 Riveira. Inauguración Sagrado Corazón de Xesús. Arquivo Joferpa-foto G[/caption]

 

 

 

 

 

 

 

 

 

 

 

 

 

 

 

 

©riveira.eu. Si coñece algún outro dato sobre esta imaxe ou sobre o que se ve nela non dubide en comentalo ou escribir a “redaccion@riveira.info”.  Grazas.

 

 

1949 Invitación festa da dorna

En 1948 un grupo de amigos pon en marcha a raíz do sorteo dunha pequena dorna, unha iniciativa en plan "carallada" coa botadura dunha embarcación chamada "Virxe do Carmen".  Aquela festa inicial que teria lugar na "Sala La Granja" no barrio da Amarella convertiríase co paso dos anos nun acto de solidariedade.

O ano seguinte en 1949, celebrariase o primeiro baile de gala que tería lugar na "Salón Cambeiro", cedido durante anos para a recadación de cartos cos que se farian dornas que se sortearian entre as familias necesitadas do concello.

O paso do tempo faría esmorecer a Festa dá Dorna a finais dous anos oitenta, si ben xa na década dos 90, un grupo de mozos recupera a celebración dándolle iso si un carácter totalmente distinto.  A reprodución amosa a primeira invitación do baile de Gala que tería lugar ese ano o 23 de xullo, se ben posteriormente pasaría o 24 de xullo. 

[caption id="attachment_992" align="aligncenter" width="550"] 1949 Invitación da festa da dorna o segundo ano da súa creación. Arquivo Joferpa-Dorna[/caption]

©riveira.eu. Si coñece algún outro dato sobre esta imaxe ou sobre o que se ve nela non dubide en comentalo ou escribir a “redaccion@riveira.info”.  Grazas

 

 

1950 Riveira

Esta fotografía corresponde a unha postal editada nos anos 50 do século XX. Vese nela unha imaxe da cidade co peirao á dereita e a dársena aínda sen pechar. A estrada de Martín en primeiro termo e á dereita Bandourrio, xunto a Deán o núcleo orixinario da vila.

[caption id="attachment_647" align="aligncenter" width="500"] 1950 aprx Riveira. Arquivo Joferpa[/caption]

 

 

sen datar Castiñeiras

Recibimos dun leitor anónimo esta fotografia que supoñemos debe ser dos anos 70. Trátase uns mozos cunha dorna varada na área. o que si nos indica o seguidor é que se trata de Castiñeiras pero que non pode aportarnos mais datos polo que os amigos que siguen a web seguro que poderán aportarnos algún dato. Grazas anticipadas.



 

1955 Riveira Praza de Calvo Sotelo

A imaxe recolle un aspecto da vida cotidia da Riveira dos anos cincuenta rebautizada despois da Guerra Civil como  Praza de Calvo Sotelo. Á marxe do tipismo da fotografía vese a Torre do reloxio ou da dereita do Consistorio. seguro que algún dos nosos lectores identifica os fotografiados. Esperamos que podamos poñer nome ós protagonistas da mesma.

.

©riveira.eu. Si coñece algún outro dato sobre esta foto ou sobre o que se ve nela non dubide en comentalo ou escribir a “redaccion@riveira.info”.  Grazas

1970 Riveira Caramecheiro

A imaxe data a principios dos anos 70 amosa o inicio da praia de Coroso en Padín hoxe Praza da Concordia e Avda. García Bayón. O cambio foi radical co recheo feito nunha zona gañada o mar e propiedade de costas que estivo a punto a mediados dos anos 80 de orixinar o seu derrube o carecer de permiso para a súa realización.

A fotografía como no caso anterior , foinos remitida por Andrés P.Gude, e pertence o arquivo de Sito “o Chopo”, a quenes agradecemos sinceiramente a colaboración.

[caption id="attachment_621" align="aligncenter" width="500"] 1970 Santa Uxía Caramecheiro[/caption]

©riveira.eu. Si coñece algún outro dato sobre esta foto ou sobre o que se ve nela non dubide en comentalo ou escribir a “redaccion@riveira.info”.Grazas

1940 apx. Aguiño

Aguiño é despois de Castiñeiras, a parroquia máis moza do Concello de Riveira. De poboamento xoven pertenceu ata a súa creación á Parroquia de San Paio de Carreira, a maís antiga das ferigresias do hoxe Concello de Riveira. Baixo a advocación da Nosa Señora do Carme, creouse como parroquia o 9 de maio de 1959 sendo cardeal- arcebispo da diocesis, Fernando Quiroga Palacios, e o seu primeiro sacerdote, Francisco Lorenzo Mariño.  Aguiño contaba no censo de 1897, con 17 habitantes o que da idea do seu crecemento espectacular en apenas cen anos. Vinculada o mundo do mar Aguiño supera actualmente os dous milleiros de habitantes. A imaxe recolle a zona do varadoiro de dornas actualmente o dique do porto.

A fotografia poderia estar datada na década dos anos coarenta do século XX, foinos remitida por Andrés P.Gude, e pertence o arquivo de Sito "o Chopo", a quenes agradecemos sinceiramente a colaboración. Teremos oportunidade de ver mais imaxes desta colección.

©riveira.eu. Si coñece algún outro dato sobre esta foto ou sobre o que se ve nela non dubide en comentalo ou escribir a “redaccion@riveira.info”.Grazas

 

1940 apx. Talleres El Nervión

Falar de "Talleres El Nervión" é falar dunha das industrias máis salientables dos anos 40 a 70 do século XX. Ubicada na entón  "Calle Alcazar de Toledo" (actual Mariño de Rivera) e no dique do porto (Malecón), dedicouse á fabricación dos motores diesel baixo a marca "HMR- Hermanos Martínez Rodriguez".

Especializada especialmente en motores de camións e barcos, onde obtivo grande renome.

Existe unha páxina no que se recolle grande cantidade de imaxes desta emblemática empresa á que invitamos ós nosos seguidores a visitar para ter mais ampla información da mesma.

Enlace: Talleres El Nervión



©riveira.eu. Si coñece algún outro dato sobre esta foto ou sobre o que se ve nela non dubide en comentalo ou escribir a “redaccion@riveira.info”.Grazas

1967 Vista de Riveira desde o Monumento

A fotografía que traesmos hoxe corresponde a unha vista da localidade desde o Monumento o Sagrado Cozarón de Xesús. Foi publicada en 1967 e vese nela o Porto, a Praza da Igrexa,  os edificios sindicais da década dos 50 (Actual Rosalía Castro), o edificio de Acción Católica, a Casa do Marqués, o Nervión, etc....

1967 Vista de Riveira desde o Monumento

 

 

 

 

 

 

 

©riveira.eu. Si coñece algún outro dato sobre esta foto ou sobre o que se ve nela non dubide en comentalo ou escribir a “redaccion@riveira.info”.Grazas

1914 Porto de Riveira

A imaxe corresponde a unha reproducción recollida por un album de fotos editado polo Círculo Mercantil e Industrial de Riveira en 1975, co gallo do seu 50 aniversario. É parte dunha colección de postais editado polo "Barato de Riveira", Casa Baltar, establecemento ubicado na actual sede do BBVA na Praza de Otero Goyanes(ver 1914 Porta do Sol (Praza de Otero Goyanes) e que consta dun album dos anos dez de 1900 e que constaba dunhas 20 imaxes.

En primeiro termo á esquerda aparece o barco adega que se encargaba de traer mercadurias e vese lixeiramente o  fielato,  nome popular que recibían as casetas de cobro dos arbitrios e taxas municipais sobre o tráfico de mercancías, aínda que o seu nome oficial era o de estación sanitaria, xa que aparte da súa función recadatoria servían para exercer un certo control sanitario sobre os alimentos que entraban nas cidades. O termo fielato procede do fiel ou balanza que se usaba para a pesada

[caption id="attachment_578" align="alignleft" width="450"] 1914 Porto de Riveira[/caption]

 

 

 

 

©riveira.eu. Si coñece algún outro dato sobre esta foto ou sobre o que se ve nela non dubide en comentalo ou escribir a “redaccion@riveira.info”.Grazas

 

1965 Accidente no dique de Santa Uxía

Recibimos esta curiosa imaxe que se situa, segundo o noso remitente, a mediados dos anos 60. Como se ve o camioneiro non guiou axeitadamente á hora de ir polo dique e acabou nesta posición tan comprometida.

Sobre a autoría da imaxe hai discrepancias, polo que agradecemos a calqueira que teña algún dato no lo aporte a " redaccion@riveira.eu " . Gracias e seguimos esperando as vosas colaboracións.



 

 

 

 

 

 

©riveira.eu. Si coñece algún outro dato sobre esta foto ou sobre o que se ve nela non dubide en comentalo ou escribir a “redaccion@riveira.info”.Grazas

1960 Vista aérea de Riveira

A imaxe amosa unha vista aérea de Riveira a principios dos anos 60. Ofrece a fotografía un aspecto do centro de Santa Uxía, desde a parroquial, a Casa Consistorial, a Sala de Festas Cambeiro",  o porto coa dársena ou a "Clínica 18 de xullo", que aparece na parte superior dereita, entre outros moitos edificios.
Tratase dunha reprodución que forma parte dunha serie de imaxes que recolle a vila en todo ou seu explendor, cando aínda era a "Cidade branca dá Ría de Arousa", e que un lustro antes recibira o "Premio nacional de embellecimiento de pobos". Foto: P.E.

[caption id="attachment_564" align="alignleft" width="450"] Riveira 1960[/caption]

 

 

 

 

 

 

 

 

©riveira.eu. Si coñece algún outro dato sobre esta foto ou sobre o que se ve nela non dubide en comentalo ou escribir a “redaccion@riveira.info”.Grazas

1930- Campo do Fraile

"Asociación Popular. Aviación" . Santa Eugenia de Riveira, 17 de septiembre de 1916. A causa do accidente sufrido por el aviador señor Piñeiro, que le imposibilita para volar, esta asociación no queriendo privar al pueblo de este festejo y sin reparar en nuevos gastos que hubo que realizar, ha contratado al aviador señor González a cuyo cargo estará dicho festejo, realizando diferentes ejercicios, excepto el de vuelos invertidos.

Entrada de preferencia: Señores socios 1 peseta. No socios 1,50.

Nota: No hay reclamación alguna si una vez empezado el espectáculo tuviera que suspenderse por cualquier causa. La Directiva".

[caption id="attachment_554" align="aligncenter" width="378"] Riveira Campo do Fraile 1930[/caption]

©riveira.eu. Si coñece algún outro dato sobre esta foto ou sobre o que se ve nela non dubide en comentalo ou escribir a “redaccion@riveira.info”.Grazas

1974 Casa Consistorial derrube

A vella Casa Consistorial seria derrubada no primeiro trimeste do ano 1974. O edificio foi construído en dúas fases, a primeira delas en 1904 cando o Alcalde, José Martínez Fernández, de quen xa falamos nesta mesma web (ver alcaldes) retoma o proxecto de construcción dun edificio municipal tras arder o anterior en 1862 e estar de aluguer durante mais de 40 anos. Este rexidor  retoma un proxecto anterior doutro alcalde,  Manuel Fernández González, que en 1878 quixo facer o Consistorio. Tratábase de sustituir o vello edificio  e encargou o  proxecto o arquitecto, Juan Ramón Correa Mariño, se ben non se levou a cabo.

Habería que esperar a  principios do século  XX cando o alcalde Martínez Fernández, decide inicialas obras  que se realizaran no chamado Campo do Fraile, unha zona acondicionada en 1886 polo entón alcalde Domingo Vilas Sampedro......

1974. Derrube da Casa Consistorial Foto González

©riveira.eu. Si coñece algún outro dato sobre esta foto ou sobre o que se ve nela non dubide en comentalo ou escribir a "redaccion@riveira.info".Grazas

1960 Dársena de Riveira

A imaxe do ano 1960 amosa a dársena do porto de Riveira xa coa sua configuración caseque definida. Vese a zona do asteleiro onde se subian vos barcos para ao seu arranxo, e xa na primeira fila de vivendas e de esquerda a dereita, a Casa de Vilas, a fábrica de Cardona coa sua cheminea, a fábrica do Abadiño e os talleres "El Nervión".
Diante da fábrica de Cardona vense ainda os bloques que servían para a ampliación do porto que se estaba a facer neses anos.

Destaca o aspecto branco de todolos edificios, polo que a cidade conseguiría o título de "Premio Nacional de Embellecimiento de Pueblos de 1959". Ese aspecto branco serviría de lema o título de "Cidade branca da Ría de Arousa", títulos conseguidos sendo Alcalde, Miguel Rodriguez Bautista.

[caption id="attachment_536" align="aligncenter" width="500"] 1960 Peirao de Riveira[/caption]

©riveira.eu. Si coñece algún outro dato sobre esta foto ou sobre o que se ve nela non dubide en comentalo ou escribir a redaccion@riveira.info.Grazas

1999 O naufraxio do Santa Isabel video

En 1998 o autor publicou na prensa unha serie de reportaxes sobre a historia do naufraxio do vapor-correo Santa Isabel, artigos que serían o xermolo do libro e posterior reportaxe feito pola TVG para o programa O Mar. Era a primeira vez que se daban a coñecer imaxes sobre a construción, o interior do buque e o naufraxio. A historia daquel tráxico suceso permanecera ata esa data no anonimato oficial durante setenta e sete anos, se ben as vilas de Arousa gardaron na memoria colectiva a traxedia e o comportamento dos habitantes da illa de Sálvora e da cidade de Riveira.
http://youtu.be/AKA3m1LML0I

©riveira.eu Si coñeces algún outro dato sobre este video ou sobre o que se ve nel non dubides en comentalo ou escribir a redaccion@riveira.info.Grazas

1965 O Carmen

A imaxe que recuperamos hoxe é a procesión do Carme do ano 1965 aproximadamente.  A imaxe da Virxe aparece o fondo do grupo de fieis tralo estandarte.  O lado esquerdo  vese a Praia de Colomer,  coa casa de Don Alejandro e Dona Encarnación Colomer, que tiñan un establecemento de efectos navais. Pegada á casa estaba o almacén de salgado e bacallau. Detrás dos almacéns estaba a Fonda Queiruga da Señora Concha Diz.  Xa no lado dereito dos fieis vese a recen estreada Axudantía Militar de Mariña que substituiría o antigo fielato derruído a finais dos anos 50. (AHM)



©riveira.eu Si coñeces algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.info

Manuel Lustres Rivas, xornalista e escritor

José Manuel Antonio Lustres Rivas (Riveira, 11 de xaneiro de 1888 - Redondela, 10 de novembro de 1936),  xornalista, político e escritor riveirense, vítima da represión do bando franquista durante a Guerra Civil.  Fillo dun piloto de buques mercantes, José Lustres Gonzalez e de María Rivas Otero, trasladouse a Santiago de Compostela para estudar medicina na súa universidade. Alí fíxose amigo de Castelao e participou nos debates do Café Colón. Moi vinculado ao galeguismo,  empezou a colaborar no diario ourensán O Miño e en  en Galicia Nova e na Gaceta de Galicia, que se editaba en Vigo. Foi tamén director do Heraldo Galego. En 1915 marchou a Madrid onde escribiu para España Nova, A Xornada, O Liberal e A Publicidade. Regresou a Galicia en 1918, onde colaborou coa Concordia de Vigo ata 1922.  Ao ano seguinte foi nomeado redacto-xefe do xornal "Galicia. Diario de Vigo". Tras pasar uns anos en Arxentina durante a ditadura de Primo de Rivera, á volta colaborou co Faro de Vigo, entre outros medios.

Nos primeiros días da Guerra Civil, foi detido na sé do xornal e encarcelado na prisión habilitada no antigo lazareto da illa de San Simón. Foi asasinado en novembro de 1936 e o seu corpo achado nunha estrada próxima a Redondela. En 1986 foi declarado Fillo Ilustre de Riveira.

[caption id="attachment_469" align="alignleft" width="200"] Manuel Lustres Rivas (Riveira 1888-Redondela 1936)[/caption]

[caption id="attachment_468" align="alignleft" width="400"] Casa de Manuel Lustres Rivas 1980. Fotografía arquivo Xosé María Fdez. Pazos[/caption]

Artigo de La Voz de Galicia, publicado o 11 de novembro de 2011

No  75 cabodano de Manuel Lustres Rivas

 por Xosé María Fernández Pazos, xornalista e historiador

A principios de 1984 tiña a oportunidade de falar amplamente con dona Inés Lustres Rivas. Muller de idade avanzada e irmá do insigne xornalista riveirense, Manuel Lustres, de quen o próximo día 10 de novembro se cumprirán 75 anos do seu asasinato en Redondela.

1944 Franco visita Riveira (video)

O 9 de agosto de 1944, Franco visita Riveira. Recibido polas autoridades locais encabezadas polo alcalde, Miguel Rodriguez Bautista, o xeneral chega en medio dos aplausos do pobo no malecón , daquela Avenida José Antonio, conservando a parafernalia habitual da época.

http://youtu.be/nB3dMV6Q43A

Video Filmoteca Nacional- Nodo

1940 Rosalia Castro e Alameda

A imaxe que recuperamos hoxe corresponde a1940 aproximadamente. Nela recollese o aspecto do Campo do Fraile ou praza do concello e a Avenida de Rosalía de Castro. Na fotografía apreciase na parte dereita o “Café de Núñez” e a parada dos autobuses “El Celta”. Foto AMR

[caption id="attachment_423" align="alignleft" width="450"] Alamedade Riveira ,1940 aprx.[/caption]
©riveira.eu . Si coñece algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.eu. Grazas

1958 Fielato

Aínda que a vida de Riveira sempre estivo vinculada o mar, non sería ata 1801 cando se empezaría a construción do primeiro dique. O crecemento pesqueiro de Santa Uxía tería un pulo importante a partir do século XVIII, no que boa parte do mesmo tería moito que ver a chegada das familias cataláns e a construción das fábricas. Santa Uxía mantiña a sua relación comercial habitual por mar en concreto con Vilagarcía o porto por excelencia da ría.
A imaxe que traemos hoxe corresponde a finais da década dos cincuenta. No primeiro termo aparece o fielato, nome popular que recibían as casetas de cobro dos arbitrios e taxas municipais sobre o tráfico de mercancías, aínda que o seu nome oficial era o de estación sanitaria, xa que aparte da súa función recadatoria servían para exercer un certo control sanitario sobre os alimentos que entraban nas cidades. O termo fielato procede do fiel ou balanza que se usaba para a pesada.

A partir de 1961 o lugar onde estaba este servizo pasou a ser ocupado pola Axudantía de Mariña que con anterioridade se atopaba na primeira planta dun edificio situado na rúa Xeneral Franco, antiga rúa Venecia, e que no baixo contaba nos últimos anos coa sucursal dunha entidade bancaria, enfronte xusto do cruceiro da Virxe da Saúde no Castelo. AHM

[caption id="attachment_397" align="alignleft" width="500"] Fielato Riveira finais dos anos 50[/caption]

©riveira.eu . Si coñece algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.eu. Grazas

Alcaldes: José Martínez Fernández

Nos últimos meses e diria que anos, regresa a Riveira a polemica sobre os nomes da rúas da vila vinculadas á dictadura, e de persoeiros  que en moitos casos nada fixeron polo pobo.

Nesta páxina dedicada á nosa historia traemos hoxe a figura dun dos fillos predilectos da vila a  quen ni siquera se lle dedicou unha rúa, e iso que é sin dúbida o Alcalde que mais fixo pola vila. Trátase do industrial e comerciante, José Martínez Fernández, alcalde de Riveira nos primeiros anos do século XX.

Fillo Predilecto de Riveira outorgouselle o titulo o 13 de xullo de 1919, sendo o primeiro a quen se lle daba tal distinción.

Representante en Ribeira do sector máis progresista do vello Partido Liberal de Práxedes Mateo Sagasta, Pepe Martínez foi elixido alcalde riveirense en "nove" ocasiones e, ao longo dos seus moitos anos como rexidor, destacou nos seus dotes de xestión . Promoveu a construción da vella casa consistorial, a fonte de Padín, os cemiterios municipais de Riveira e Palmeira, e un longo etcétera entre os que está o de lograr para Riveira o título de cidade en marzo de 1906 e o de porto de segundo clase o mesmo ano.

Tamén sobresaíu polo seu espírito altruísta e benefactor, como sucedeu por exemplo con ocasión da terrible gripe de 1918, cando puxo a disposición dos  menesterosos as súas propias colleitas de cereal e o seu patrimonio, co fin de contratar médicos e persoal sanitario en toda Galicia que atendesen á poboación de Ribeira. Todo iso valeulle a estima do pobo polo que o seu labor foi recoñecido en vida polos seus veciños coa distinción de Fillo Predilecto.

Sería na sesión de 13 de xullo de 1919, na que o ilustre personaxe presentaba a súa renuncia ao cargo de alcalde por motivos de saúde.

©riveira.eu . Si coñece algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.eu. Grazas

 

1945 Praia de Colomer

A fotografia amosa a praia de Colomer, xunto a de Coroso a que acudia a xente da cidade. Na marxe superior dereita apreciase o mercado de abastos actualmente o Auditorio e o final a chimenea da fábrica da actual fábrica de  Cerqueiras, antiguamente Pereira. O fondo o barrio da Bandourrio que xunto a Deán é o núcleo orixinario da cidade.



©riveira.eu . Si coñece algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.eu. Grazas

1915 Campo do Fraile

A imaxe pertence á unha colección privada composta por placas feitas a principios do século XX por Manuel Cores García. A imaxe amosa o mercado que se facía cada domingo no denominado Campo do Fraile, mercadiño que se trasladou a este lugar dende a Praza de Compostela, onde se encontraba a antiga Igrexa Parroquial ata 1861.

O mercadiño celebrabase neste campo ata 1946 cando foi recolocado no "Campo da Feira", actualmente Praza da Constitución.
Estamos ante unha imaxe espectacular dunha serie que recolle aspectos da vida riveirense.

[caption id="attachment_363" align="alignleft" width="500"] Campo do Fraile 1915. Fotografía Manuel Cores[/caption]

©Manuel Cores. Si coñece algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.eu. Grazas

1960 San Cristovo. Festas de verán

Dous periodos de festas habia en Riveira. As tradicionais do verán en agosto, que co paso do tempo foron tomando mais pulo ata converterse nas principais, e as dá Patroa, en setembro. Por certo estas últimas chegaban a xuntar as celebracións de varias festas locais e nalgunha ocasión tiveron duas semanas enteiras de festas.

A imaxe amosa a celebración dá festa en honra a San Cristovo patrón dos condutores. A imaxe subida a un camión colocabase diante do Consistorio e os vehículos pasaban por diante mentres o "Sala de Festas Cambeiro" enfronte xusto dá imaxe e desde onde se tomou esta fotografía. Por certo á dereita do camión aparece precisamente, Xosé Fernández Cambeiro, daquela concelleiro municipal riveirense. Desta fotografia existe amais outra copia pero en branco e negro.

©riveira.eu . Si coñece algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.eu. Grazas

1966 Vista xeral de Riveira

Emblemática postal xa clásica na que aparece unha vista do centro dá Vila. En primeiro termo á dereita (portón de coor verde) a capela do "Paso de Xesús na horta das Oliveiras" na rúa Cristobal Colón, construída dez anos antes para gardar a imaxe. Detrás a" Sala de Festas Cambeiro" e enfronte o "Consitorio", construído a principios do século XX e ampliado na década de 1940. Diante aparece a rebautizada como "Praza de Calvo Sotelo", antigamente Campo do Fraile. Na parte superior esquerda, aparecen os "Talleres El Nervión". A fotografía corresponde a unha postal editada non ano 1966.

[caption id="attachment_348" align="alignleft" width="500"] 1966 Vista de Riveira[/caption]

©riveira.eu . Si coñece algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.eu. Grazas

 

1914 Porta do Sol (Praza de Otero Goyanes)

A postal que traemos hoxe corresponde á Porta do Sol, actual Praza de José María Otero Goyanes. Corresponde a un album de fotografias da década dos anos dez do século pasado e a imaxe corresponde a E.Díez, un fotógrafo autor de boa parte das fotos da comarca que se editaban nos álbumes da época.

O edificio que se ve detrás da fonte corresponde á actual sede do BBVA. A fonte está actualmente no Rueiro pero sin a imaxe superior.

[caption id="attachment_342" align="alignleft" width="323"] Puerta del Sol ano 1914[/caption]

©riveira.eu . Si coñece algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.eu. Grazas

 

1945 Xoves Santo

1945, xoves santo, membros da dotación de vixilancia do exército destinados na estación da Cunlleira, dirixianxe cara a igrexa parroquial de Riveira a rendir honores o Santísimo.
A imaxe corresponde o pelotón da dotación cun sarxento enfilando a recén rebautizada como Praza de José María Otero Goyanes, e que antiguamente se denominada como Porta do Sol e anteriormente Praza do Carmen ( finais do século XIX).

Os soldados tiñan como misión a vixiancia, custodia e colaboración na estación metereolóxica alemana que contaba con catro membros. Os soldados xermanos especialistas en metereoloxía,  estiveron durante 3 ou 4 anos controlando xunto a outras estacións ubicadas na costa galega o tempo no atlántico. A información era remitida a un submarino quen a súa vez a facia chegar o mando alemán para planificar as incursións da aviación no Cantábrico. Foto M. V. Arquivo xose fdez.pazos.

[caption id="attachment_274" align="aligncenter" width="480"] 1947 dotación militar[/caption]

©riveira.eu . Si coñeces algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.eu

 

1949 Pelegrinaxe da Virxe de Fátima

O 6 de maio de 1949 chegaba a Riveira a imaxe pelegrina da Virxe de Fátima . Viña recorrendo desde Portugal as vilas españolas parando nas parroquias, a Santa Uxía chegaba desde Puebla e Rianxo -Asados. Entraba polos Remedios e baixou cara á parroquial momento que recolle a imaxe que como se ve congregou a centos de veciños en procesión

[caption id="attachment_235" align="aligncenter" width="480"] 1949 Virxe de Fátima. Arquivo Joferpa[/caption]

©riveira.eu
Si coñeces algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.eu

1965 aprx. Praia de Coroso

A que era xunto a de Colomer a praia da cidade amosa nesta imaxe coloreada de mediados dos sesenta as clásicas casetas de baño que usaban os bañistas para cambiarse. Na beira da praia discurria o vello camiño real que unia Riveira con Palmeira e que era a via de comunicación das duas parroquias antes de que se fixera a estrada actual. A via aparece xa documentada a mediados do século XVI e perdeu o seu uso ata o punto de ser cortada para usos privados o que levantou unha grande polvareda recollida nos anos setenta pola desaparecida revista "Teima".

 

[caption id="attachment_214" align="aligncenter" width="400"] 1965 Praia de Coroso.Arquivo Joferpa[/caption]

©riveira.eu
Si coñeces algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.eu

1958 aprox. Malecón Avda.José Antonio

Recuperamos hoxe esta postal de mediados dos cincuenta que nos ofrece unha perspectiva do malecón, daquela Avenida de José Antonio Primo de Rivera. A imaxe amosa as conserveiras de Cardona o Abadiño e a salazonera de Colomer. Tratase dunha postal dunha imaxe en branco e negro coloreada e na que se aprecia o fondo a construcción do ramal do peirao.

©riveira.eu
Si coñeces algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.info. Arquivo Joferpa

1979 aprx. Praza de Otero Goyanes

A imaxe amosa a praza da igrexa parroquial a principios dos setenta. O empedrado da praza tan típico e que servia de aparcadoiro ós poucos coches que circulaban na cidade. A fotografia foi tomada probablemente en primavera ou verán xa que a sinal de prohibido aparcar colocabase cando se celebraban actos como as procesións. Dado que non habia alumeado é de supoñer q debia ser a primavera.
A imaxe amosa o Banco de Bilbao que absorbera o Banco da Coruña en 1970,primeira entidade bancaria de Riveira desde 1927. Tamén se ve parte do edificio de Acción Católica.

[caption id="attachment_184" align="aligncenter" width="500"] 1979 aprx. Praza de Otero Goyanes. Arquivo Joferpa[/caption]

Riveira-150 anos da Igrexa Parroquial

O vindeiro 2014 faranse 150 anos da Consagración do
templo parroquial de Santa Uxía de Riveira. Co gallo
deste aniversario a parroquia vai iniciar diversos actos
que empezarán coa recollida de material fotográfico,
xornalístico e documental referido á parroquia, o pobo e os seus
acontecementos.
Trátase de render homenaxe á vila e ás súas xentes e para iso
necesitamos a colaboración de todos, e facer deste proxecto
unha obra colectiva involucrando a veciños, institucións, organismos,
asociacións e empresas.
A Parroquia fai un chamamento a todos aqueles que posúan
fotos, recortes de prensa, e documentos anteriores a 1990 que
consideren de interese xeral, para que as cedan con este fin, coa
garantía de devolución, o que se fará do seguinte xeito:
1. A recollida de material farase no despacho parroquial de
luns a venres de 12 a 14 horas, entregándose un recibo-xustificante
da súa recepción. Aquelas persoas que non poidan
entregalo poden tamén avisar ben por correo electrónico a
“parroquiasantauxía@riveira.info” ben no número 609 800
950 e pasarase a recoller o material.
2. Posteriormente farase un escaneado das imaxes e documentos,
onde se fará constar o autor, lugar e data de realización e
no seu defecto a persoa que o cede. Deseguido devolverase o
orixinal ó seu propietario.
3. A Parroquia procederá a escoller as mellores fotografías e
documentos, que serán utilizados na exposición que se abrirá
a mediados do ano vindeiro nos salóns parroquais.
4. A Parroquia, en colaboración con entidades que patrocinarán
o proxecto, vai editar un libro-catálogo que recolla as imaxes,
o que permitirá perpetuar a vella Riveira, as súas xentes,
edificios, rúas…etc.
5. Os beneficios da venda do libro catálogo, serán destinados
integramente a fins sociais da parroquia.
 Para máis información:
609 800 950
parroquiasantauxia@riveira.eu
http://www.riveira.eu

 

1965 apr. Praza do Concello

Esta imaxe tomada desde a torre da Igrexa Parroquial amosa a praza do Concello, daquela "Plaza de Calvo Sotelo". En primeiro plano á esquerda a "Sala de Festas Cambeiro coa pista de verán que se abria sempre o dia de San Alberte, e pegado a pista de inverno; despois o Consistorio, vemos tamén o almacen de "Bodegas La Parra" e o fondo os "Talleres El Nervión". Xa cara a dereita o "Grupo Escolar" e en primeiro plano o "Bar de Nuñez" e pegado o garaxe de "autobuses El Celta".

©riveira.info
Si coñeces algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.info